Bakı/17.01.18/Turan: Yanvarın 16-da Qaçqınların və Məcburi Köçkünlərin İşləri üzrə Dövlət Komitəsinin qarşısına toplaşan bir qrup köçkün Binəqədi rayonunda məskunlaşdıqları tikililərin sökülməsinə etiraz ediblər. Etirazçılar "Dövlətqaçqınkom"un qarşısındakı yolda nəqliyyatın hərəkətini dayandırmağa cəhd ediblər.
Komitədən bildiriblər ki, Binəqədi rayonu H.Babaşov küçəsindəki Təcili Tibbi Yardım Xəstəxanasının yarımçıq binasında məskunlaşmış məcburi köçkünlər komitəyə gələrək narazılıqlarını bildirib.
"Məcburi köçkünlər qeyd ediblər ki, məskunlaşdıqları binada "mənzilləri" uçurulur. Həmin məcburi köçkünlər komitə rəsmiləri tərəfindən qəbul edilib və onlara müvafiq izahatlar verilib. Bildirilib ki, "Dövlətqaçqınkom" tərəfindən heç kimin yaşadığı bina və ya mənzillər sökülmür".
Qarabağ münaqişəsi dövründə öz doğma torpaqlarından bir milyonadək azərbaycanlı qaçqın və köçkün düşüb.
Rəsmi məlumatlara görə, hökumət bu kateqoriyaya aid edilən şəxslərin sosal problmelərinin həlli üçün 6 milayard manat vəsait xərcləyib, 97 qəsəbə salınıb. 2018-ci ildə isə bu kateqoriyadan olan daha 20 min şəxsin mınzillə təmin ediləcəyi gözlənilir. -0-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz