![Məcburi köçkünlərin yeni mənzilləri və qayıdış ümidləri](https://turan.az/resized/media/2015/main/043000114511-750-500-resize.webp)
Məcburi köçkünlərin yeni mənzilləri və qayıdış ümidləri
Humanitar Tədqiqatlar Cəmiyyəti aprelin 30-da Beynəlxalq Mətbuat Mərkəzində məcburi köçkünlərin yeni qəsəbələrə köçürülməsi proseslərini əhatə edən hesabatını təqdim edib. Hesabat Humanitar Tədqiqatlar Cəmiyyətinin icra etdiyi və Avropa İttifaqının maliyyə və Barışıq Resursları Təşkilatının dəstəyi ilə reallaşdırılan “Dağlıq Qarabağ münaqişəsinin sülh yolu ilə həll olunması yolunda Avropa Tərəfdaşlığı (ERNK)” layihəsi çərçivəsində hazırlanıb. “Yeni mənzillər və qayıdış ümidləri” adlı hesabat yeni qəsəbələrə köçürülmüş məcburi köçkün icmaları arasında keçirilən sorğulara əsasən tərtib olunub.
Sənədin təqdimatında hökumət nümayəndələri, beynalxalq təşkilatların təmsilçiləri, QHT nümayəndələri, jurnalistlər və məcburi köçkün icmalarının nümayəndələri iştirak edib.
Tədbirdə Avropa Birliyinin Cənubi Qafqaz üzrə xüsusi nümayəndəsi, səfir Herbert Zalber giriş sözü ilə çıxış edib və çoxsaylı suallara cavab verib.
Humanitar Tədqiqatlar Cəmiyyətinin sədri Əvəz Həsənov bildirib ki, məcburi köçkünlərin yeni tikilmiş qəsəbələrə köçürülməsi 2004-cü ildən başlayıb və hazırda da bu proses davam edir. Yeni qəsəbələrə köçürülmə köçkünlərin social həyat şəratinin yaxşılaşmasında mühüm rol oynayır.
“Əvvəlki dövrdə məcburi köçkünlərin məskunlaşma coğrafiyası barədə statistik məlumat əldə etmək mümkün olmayıb. 2006-cı ilin statistikasına görə, məcburi köçürünlərin 230 min nəfəri yataqxanalarda, 41 000 nəfəri çadır şəhərciklərində, 28 000 nəfəri taxtadan hazırlanmış “fin” evlərində, 58 000 nəfəri dəmiryolu üzərindəki vaqonlarda yaşayıb. Eyni zamanda, 200 min məcburi köçkün qohumlarının evlərində və ya sonradan özlərinin tikdiyi evlərdə yaşayır”.
Onun sözlərinə görə, son 20 il ərzində dövlət büdəcisindən və beynəlxalq təşkilatlar ilə əməkdaşlıq nəticəsində məcburi köçkünlərin problemlərinin həlli üçün 5,5 milyard həcmində maliyyə vəsaiti xərclənib. İndiyədək 70-dək yeni qəsəbəyə 200 mindən çox məcburi köçkün köçürülüb. -03C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz