Açiq mənbələrdən foto.
Bakı/31.03.23/Turan: 24saat.org və az24saat.org saytlarının sahibi, jurnalist Vüqar Qurdqanlı Konstitusiya Məhkəməsinin media haqqında qanunun ölkə Konstitusiyasına uyğunluğunu yoxlaması haqqında vəsatət qaldırıb.
Qurdqanlının Turan agentliyinə verdiyi məlumata görə, bu media resurslarının media haqqında yeni qanuna əsasən yaradılmış media reyestrinə daxil edilməsindən dəfələrlə imtina olunub. Reyestrə daxil edilmək haqqında daha bir müraciət isə cavabsız qalıb.
Bununla əlaqədar Qurdqanlı Medianın İnkişafı Agentliyindən Bakı İnzibati Məhkəməsinə şikayət verib.
"Martın 30-da məhkəmə iclasında biz məhkəməyə vəsatət təqdim etmişik ki, qərar verməzdən əvvəl Konstitusiya Məhkəməsinə müraciət etsin, onlardan "Media haqqında qanun"un Konstitusiyaya uyğun olub-olmadığını yoxlamağı xahiş etsin. Ümid edirik ki, məhkəmə vəsatətimizi təmin edəcək", deyə Qurdqanlı bildirib.
Saytların sahibinə məhkəmə çəkişməsində media hüquqları sahəsində ekspert Xalid Ağaliyev hüquqi yardım göstərir. 06B
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz