Açiq mənbələrdən foto.
Bakı/31.03.23/Turan: İşğaldan azad edilmiş torpaqların bir qrup sakini "Qarabağa Qayıdış" Təşəbbüs Qrupunu yaradıblar.
Onlar öz bəyanatlarında ərazilərin tezliklə minalardan təmizlənəcəyinə, yaşayış məntəqələrinin bərpa ediləcəyinə və əhalinin qayıdacağına ümid etdiklərini bildirirlər. Eyni zamanda, onlar regionun bərpası prosesinin gedişatından narahatlıqlarını ifadə edirlər.
Belə ki, onlar hesab edirlər ki, məcburi köçkünlərin torpaq və Konstitusiyada zəmanət verilən digər daşınmaz əmlak hüquqları pozulur.
Məcburi köçkünlərin xüsusi mülkiyyətinə torpaqların verilməsi 1997-1999-cu illəri əhatə edən torpaq islahatı qaydalarına uyğun olaraq həyata keçirilməlidir, amma təcrübədə kənd təsərrüfatı üçün yararlı olan sahələr iri holdinqlərin sərəncamına verilir.
Qanunvericiliyə zidd olaraq, kiçik yaşayış məntəqələrinin bərpası zamanı onlar əvvəllər orada yaşamış insanların fikri nəzərə alınmadan birləşdirilir. Füzuli rayonunda iki, Qubadlı rayonunda dörd belə fakt müəyyən edilib.
Qayıdış prosesinin 2040-cı ilədək yekunlaşdırılmasının nəzərdə tutulması məcburi köçkünlərin dədə-baba torpaqlarına qayıtmasına inamını azaldır.
Müəlliflər işğaldan azad olunmuş ərazilərdə dövlət büdcəsi vəsaitləri hesabına həyata keçirilən minatəmizləmə, yolların, enerji xətlərinin çəkilməsi, qaz və su təchizatının təmin edilməsi, yaşayış məskənlərinin layihələndirilməsi və inşası işlərinin şəffaf və hesabatlı şəkildə aparılmamasının narahatlıq doğurduğunu bildirirlər.
Onlar həmçinin bərpa və məskunlaşma prosesinin planlaşdırılmasına işğaldan azad edilmiş ərazilərin sakinlərinin cəlb edilməsini və onların rəyinin nəzərə alınmasını zəruri hesab edirlər.
Bəyanat müəllifləri işğaldan azad edilmiş ərazilərin sakinlərini "Qarabağa Qayıdış" Platforması ətrafında birləşməyə, müvafiq dövlət qurumlarını və bütün maraqlı tərəfləri isə əməkdaşlığa dəvət edir.
Təşəbbüs qrupunun bəyanatını Qubad İbadoğlu, İlham Məmmədli, Yelmar Mustafa, Mirəli Hüseynov, Elxan Nuriyev, Qalib Toğrul, Xaqanli Cəfərli, Famil Süleymanov, Asif Talıboğlu, Nofəl Qasımov, Vahid Qazi, Elşən Nağıyev, Vaqif Əlisoy, Nəsimi Sadıqov imzalayıblar. 06В
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz