Media-icmal 13.06.2016

Ölkənin get-gedə güclənməsi, ölkədən mühacir axını, turizmin vəziyyəti bugünkü medianın aparıcı mövzusudur.

Qüdrətli dövlət olmaq iddiası

“Azərbaycan” qəzeti “Azərbaycan dünya bazarında rəqabət imkanını artırır” sərlövhəli məqalə dərc edib. Müəllifin düşüncəsinə görə, Azərbaycanın dünya bazarında rəqabətə davam gətirmək üçün atdığı addımlar ölkənin iqtisadi  inkişafına xidmət edir. 

Müəllif qeyri-neft sektorunun inkişafı dedikdə bu yöndə hakimiyyətin qəbul etdiyi sərəncamlar, fərmanlar haqda danışaraq onları belə dəyərləndirir: “Dünya miqyasında mürəkkəb siyasi və iqtisadi proseslərin davam etdiyi, iqtisadiyyata xarici neqativ təsirlərin gücləndiyi hazırkı şəraitdə sahibkarlığın inkişaf etdirilməsi, biznes mühitinin davamlı olaraq yaxşılaşdırılması ilə bağlı ölkəmizdə həyata keçirilən sistemli tədbirlər böyük əhəmiyyət kəsb edir”. 

Müəllifə görə, dövlət başçısı İlham Əliyevin ölkədə sahibkarlığın inkişafı ilə bağlı qəbul etdiyi qərarlar sahibkarlığın inkişafı üçün yeni dövrün başlanğıcıdır. Bu yerdə müəllif  Sahibkarlığa Kömək Milli Fondunun vasitəsilə indiyədək 31 min sahibkara 1,8 milyard manat güzəştli kredit verildiyini də xatırladaraq kreditlərdən istifadə etməklə investisiya layihələrinin 142 mindən çox yeni iş yerinin açılmasına imkan yaratdığını qeyd edir.

Müəllifin düşüncəsinə görə, bütün bu tədbirlər yekun hədəf kimi aşağıdakılara səbəb olacaq: “Azərbaycan bu gün qeyri-neft sektoruna əsaslanan iqtisadi inkişaf modelini prioritet seçib. Qeyri-neft sektorunun inkişafı, sənaye müəssisələrinin yaradılması, ölkənin xammal ixracatçısından sənaye və informasiya texnologiyaları istehsalçısına, münbit turizm məkanına çevrilməsi məqsədinin reallaşdırılması üçün bütün imkanlar səfərbərliyə alınmışdır. Ölkə rəhbərliyinin bu yöndə həyata keçirdiyi ardıcıl tədbirlər Azərbaycanın ən qısa vaxtda dünyanın iqtisadi cəhətdən qüdrətli dövlətləri sırasına çıxmasına imkan yaradacaq”.

Getməyək, ölkəni dəyişək  

“Azadlıq” qəzeti vətəndaşların xaricə axın etmələrini araşdıran ibrətamiz məqalə dərc edib. Müəllif bu axının istiqamətlərini belə göstərir: “Azərbaycan xalqının hər bir fərdi başqa bir ölkədə yaşamağa ehtiyac duyur. Kimisi bunu Rusiyada hər cür təzyiqə, təhqirə dözmək bahasına, kimisi Türkiyədə “qardaş,  amma ikinci sinif insan” münasibəti görməklə, kimisi Avropa və Amerikaya müxtəlif çətinlik və saxtalığa getməklə həll edir”.

Müəllif vətəndaşların bu axınına öz etirazını da ifadə etməyi də arxa plana keçirmir. “Başqa ölkədə yaşamaq üçün edliməli olan ölkədən getmək deyil, bu hökumti ölkədən dəf etməkdir. YAP hökumətinin qurduğu siyasi-inzibati diktaturanı, geridə qalmış mənasız adətləri, bir-birimizə tətbiq etdiyimiz zülmkar münasibəti rədd etməliyik ölkəmizdən özümüz getmək yerinə”.

Müəllif  bu mənada Avropaya  gələn mühacirlərin hətta bundan  sonra Azərbaycan naminə yaratdıqları qurumların fəaliyyətinin də səmərəsiz olduğunu qeyd edir. “Sonra gəlirik Avropaya deyirik ki, “Azərbaycanımızı hər yerdə yaşadaq”. Azərbaycanımızı yırtıcıların ağzında qoyub, dünyanın müxtəlif yerlərində Azərbaycan “yaşadırıq”. Dayandırmalıyıq. Azərbaycan oradadır və dərdi də bəllidir. Bu hökuməti ölkədən itirib, yerinə rifahın  və azadlığın idarəsini gətirməliyik.

Son olaraq müəllif vətəndaşlrın xaricə getmək istəklərinin arxasında duranları belə qruplaşdırır: “Bilirsinizmi, “başqa ölkədə yaşamaq istəyirəm” deyən azərbaycanlı nə istəyir, başın gizlətməyə bir ev, evinə çörək gətirəcək bir iş, xəstələnəndə onu dirildən sağalmaq  evi, övladına gələcək quran bir təhsil, söymədən, söyülmədən yaşayacağı gündəlik həyat, ildə bir dəfə insan kimi dincəlmək, onu qoruma altına alcaq polis, məhkəmə”. Bunun çarəsi isə ölkəni dəyişməkdir, ölkədən getmək deyil. 

Uduzduğumuz aydındır

“Yeni Müsavat”  qəzeti isə ekspertlərlə əcnəbilər üçün vizaların ucuzlaşmasının turist axınına səbəb olub- olmayacağını araşdırır.

Ekspert Natiq Cəfərliyə görə, viza xərcinin büdcəyə keçirilməsi proseduru baxımından o qədər də ucuzlaşma yoxdur. Onun sözlərinə görə, devalvasiyaya qədər bu rüsum 40 dollar idi, indi nisbətdə cəmi 20 dollara bərabərdir. 

Ekspertə  görə, bu sadələşdirmə turist cəlb etmək baxımından əhəmiyyətli deyil. “O baxımdan qonşu ölkələrlə rəqabət aparırıqsa uduzduğumuz aydın görünür. Bu sahədə bazarda əsas rəqib olan Gürcüstanın keçdiyi yola baxmaq lazımdır. O 48 ölkə ilə vizanı ləğv edib”.

N.Cəfərli qeyd edib ki, turist cəlb edilməsi üçün Avropa Birliyi, bir sıra ölkələrlə ümumiyyətlə vizalar ləğv olunmalıdır. “Ümumiyyətlə, viza prosedurlarının ləğv olunması vacibdir. Bu, turizmdə müəyyən irəliləyişə nail olmağa imkan verə bilər. Digər addımlar atılsa, biletlərin, otellərin qiymətlərinin ucuzlaşması ilə bağlı və s. olsa daha yaxşı olar. Turisti qiymət yox, prosedur qaydası və ona xərclədiyi zaman maraqlandırır”.

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti