Media icmal – 18.07.2023

Ölkədə qida təhlükəsizlik agentliyinin qidalarla bağlı keçirdiyi manitorinqlər, rayonlarda olan yol  problemi, Xankəndində keçirilən aksiya, Azərbaycanda baş verən infilyasiya və Azərbaycandan İraq Kürdüstanına birbaşa aviareys açılması bugün (18 iyul 2023-cü il) üçün  medianın aparıcı mövzularındandır.

525-ci qəzet - Yediyimiz kolbasa-sosiskalar standartlara cavab verirmi?

“525-ci qəzet” saytı “Yediyimiz kolbasa-sosiskalar necə və nədən hazırlanır?” sərlövhəli məqaləsində  Azərbaycan Qida Təhlükəsizliyi Agentliyinin (AQTA) kolbasa və sosiska məhsullarında aparılan yoxlamaların nəticəsi  və zərərli məhsulların seçimi ilə bağlı  Cavid Məmmədzadə və Eyyub Hüseynovun fikirləri yer alıb.                                                                                                                                                                        

Müəllif deyir ki, müayinə nəticələrinə əsasən, bəzi kolbasa və sosiskaların üzərində mal əti yazılsa da, tərkibində toyuq DNT-si aşkarlanıb. Üzərində mal əti yazılan kolbasaların tərkibində mal DNT-si aşkarlanmayıb. Bəzi kolbasa və sosiskaların tərkibində isə təhlükəsizlik göstəricilərinə uyğunsuzluq müəyyən edilib.                                                                                                                                                                  

Müəllif qeyd edir ki,  bəzi sexlərin istehsal etdiyi kolbasa və sosiskaların tərkibində toyuğun “tullantı” hissələri, insan sağlamlığına zərərli olan kimyəvi maddələrin, bir çox məhsulların tərkibi ilə üzərində yazılanlar arasında uyğunsuzluqlar təsbit olunub.                                                                                                             

Qida mühəndisi Cavid Məmmədzadənin sözlərinə görə, son zamanlar kiçik sexlərdə kolbasa və sosiska məhsullarının istehsalı artıb. Çox zaman sex sahibləri işçilərə maaş əvəzinə bu məhsullardan verirlər. Ekspert istifadəyə yararsız məhsulların əlamətləri barədə də məlumat verib. Ekspert uşaqların bu məhsullarla qidalandırılmamasını vurğulayıb.

“Azad İstehlakçılar Birliyinin (AYB) sədri Eyyub Hüseynov deyir ki, Azərbaycanda normal standartlara uyğun kolbasa istehsalı müəssisələri olsa da, 20-yə qədər kolbasa məhsulunun hazırlanması üçün əti necə gəldi əldə edən istehsalçılar da mövcuddur”.  Eyyub Hüseynov istehlakçıların hüquqlarının pozulduğunu qeyd edib. Əlavə olaraq bazarda hazırda məhsulların böyük bir hissəsini xarici məhsullar təşkil edir. Ekspertlərin hər iki keyfiyyətli və keyfiyyətsiz məhsulların alıcılar tərəfindən müəyyən edilə biləcək xüsusiyyətlərini vurğulayıb.

Anews.az - Araik Arturyan Xankəndindəki aksiyaya qoşulub

“Anew.az” saytında “Araik Arturyan Xankəndindəki aksiyaya qoşulub - Nə dəyişəcək? – Açıqlama” sərlövhəli məqalədə Xankəndində baş verən aksiyaya Araik Artunyanın  qoşulmasının səbəbindən və verəcəyi nəticələr barədə  Bəhruz Məhhərrəmovun fikirlərinə yer verilib.  Deputat hesab edir ki, separatçılar da vəziyyətin fərqindədir, situasiyadan ruhlanaraq Azərbaycan ərazisində müvəqqəti - 5 il müddətinə yerləşdirilmiş sülhməramlıların qərargahına istinad nöqtəsi kimi baxaraq Azərbaycan əleyhinə mitinqlərini məhz orada təşkil edirlər.

Sosial şəbəkələr

Meydan TV - Sinan Oğanın müsahibəsi,REAL Partiyasının Siyasi Komitəsinin üzvü Erkin Qədirlini  seçkilərlə bağlı proqnozları,Neçirvan  Bərzaninin Bakıya rəsmi səfəri gündəm mövzuları olub.

Sinan Oğan Real TV-ə müsahibəsində “Azərbaycanda bəzi müxalifyönlülər mənə qarşı təhqirlər etdilər. Azərbaycanda olduqlarını desələr də, əslində, xaricdə idilər. Çalışdığım qədəri ilə onların bu təhqilərinə hüquqi yolla cavab verəcəyəm". Fikirlərini səsləndirib. Müsahibədə seçkilər müddətində təkcə özünün yox, ailə üzvlərinin də təhqir edildiyini vurğulayıb.

Erkin Qədirli yaxın bir ilyarım müddətdə (2023-2025) Azərbaycanda dörd seçki dönəminin olacağını güman edir. Deputat 2023-cü ilin payızında referendum, gələn ilin noyabrında Milli Məclisə seçkilər, dekabrda bələdiyyə, 2025-ci ilin aprelində isə prezident seçkilərinin keçiriləcəyini qeyd edib. Erkin Qədirli bu məlumatları öz “Telegram” kanalında yayımlayıb.

İraq Kürdüstan Regionunun başçısı Neçirvan Bərzani Azərbaycana işgüzar səfərə gəlib. Azərbaycan və İraq Kürdüstan Regionu arasında iqtisadi-ticari əlaqələrin genişləndirilməsi, sərmayələr, enerji sahəsində əməkdaşlıq, turizm imkanlarının artırılması, birbaşa aviareyslərin açılması və digər məsələlərlə bağlı müzakirələr aparılıb.

Baku TV- FHN vətəndaşdan 10 min manat pul istəyib iddiası, Rusiya sülhməramlı kontingentinin müşayəti ilə ermənilərin döyüş mövqelərinə təminat vasitələri daşınması, Avropa İttifaqı (Aİ) ölkələrinin xarici işlər nazirləri iyulun 20-də Brüsseldə görüşü planlaşdırılması gündəm mövzularından olub

Vətəndaşla FHN əməkdaşı arasında evinin sökülməsi ilə bağlı mübahisə yaranıb. FHN əməkdaşı tikilinin qanunsuz olduğunu əsas gətirərək sökməyə başlayıb. Vətəndaş ondan pul istənildiyini və vermədiyi üçün söküldüyünü iddia edib.

Rusiya sülhməramlı kontingentinin müşayiəti altında növbəti dəfə Xankəndi-Kərkicahan-Xəlfəli yolu ilə ermənilərin döyüş mövqelərinə təminat vasitələri daşınması ilə bağlı video görüntülər yayılıb. Videogörüntüdə Rusiya sülhməramlı kontingentinə məxsus döyüş maşınının müşayiəti altında ermənilərin döyüş mövqelərinə təminat vasitələrinin daşınması aydın müşahidə olunur.

Avropa İttifaqı (Aİ) ölkələrinin xarici işlər nazirləri iyulun 20-də Brüsseldə görüşü planlaşdırılması- Məlumata görə, keçiriləcək görüşdə nazirlər digər məsələlərlə yanaşı, Ermənistanla Azərbaycan arasında münasibətlərin normallaşdırılmasını müzakirə etməyi planlaşdırırlar.

Baku.es -  Azərbaycan Respublikası Birinci vitse-prezidentinin köməkçisi vəzifəsindən azad edilməsi, 31 partiyanın öz təşəbbüsü ilə ləğv olunmaları barədə bəyanat verilməsi, polkovnik-leytenant Mərdan Əhmədovu avtomobillə vurub öldürən sürücüyə  hökm oxunması gündəm mövzulardan olub.

Dövlət başçısının digər Sərəncamı ilə Elçin Əmirbəyov Azərbaycan Respublikası Birinci vitse-prezidentinin köməkçisi vəzifəsindən azad edilərək Azərbaycan Respublikasının Prezidentinin xüsusi tapşırıqlar üzrə nümayəndəsi təyin edilib.

Siyasi partiyalar haqqında” Qanun qüvvəyə mindiyi tarixdən 31 partiya öz təşəbbüsü ilə ləğv olunmaları barədə bəyanat verib. Bu barədə Ədliyyə Nazirliyi Mətbuat xidmətinin yaydığı məlumatda bildirilib. Bildirilib ki, daha 27 siyasi partiya isə üzvlərinin adı, soyadı, atasının adı, doğulduğu tarix, qeydiyyat ünvanı, qeydiyyatda olduğu partiyanın yerli təşkilatı və əlaqə telefon nömrəsini əks etdirən reyestrini Ədliyyə Nazirliyinə təqdim edib.

Ötən ilin 19 noyabr tarixində İsmayıllı şəhərində ehtiyatda olan hərbçi, polkovnik-leytenant Mərdan Əhmədovu avtomobillə vurub öldürən sürücüyə bu gün hökm oxunub.“Toyota Carolla” markalı avtomobillə 44 yaşlı hərbçini vuran Arif Mirzəyev Cinayət Məcəlləsinin 263.2-ci maddəsi ilə təqsirli bilinib. İsmayıllı Rayon Məhkəməsinin hökmü ilə o, 5 il 1 ay müddətinə azadlıqdan məhrumetmə cəzasına məhkum edilib. A.Mirzəyev məhkəmə zalında həbs edilib.