Media-icmal 23.01.21

“Yeniavaz.com” saytında  “Hərbçilərin maaşlarının azaldılması iddiası ilə bağlı - nazirlikdən açıqlama” sərlövhəli məqalədə ön cəbhədə xidmət keçən şəxsi  heyətin maaş məsələsinə münasibət bildirilir.

Məsələnin mahiyyəti bundan ibarətdir ki, sosial şəbəkələrdə yayılan bir  videosüjetdə ön cəbhədə xidmət etdiyi iddia olunan şəxs ön cəbhədə xidmət edən hərbi qulluqçuların əməkhaqqının azaldılmasından danışır.

Məsələyə aydınlıq gətirən Maliyyə Nazirliyi bəyan edir ki, döyüş şəraitində, döyüş əməliyyatlarında iştirak edən hərbi qulluqçulara həmin dövr üçün ödənilməli olan pul təminatı ikiqat hesablanır.

Nazirlik bəyan edir ki, İkinci Qarabağ savaşından sonra orduya cəlb edilən hərbiçilərin bir hissəsi artıq tərxis edilib, bununla əlaqədar hazırda Müdafiə Nazirliyinin hərbi qulluqçularının sayının, o cümlədən “Hərbi qulluqçuların statusu haqqında” qanunun yuxarıda qeyd olunan maddəsinə uyğun olaraq ikiqat pul təminatı ilə əhatə olunan hərbi qulluqçuların sayının dəqiqləşdirilməsi zərurəti yaranıb.

Nazirlik bəyan edir ki, aparılan dəqiqləşdirmələr nəticəsində ikiqat pul təminatı alacaq hərbi qulluqçuların sayı müəyyənləşdirilərək qanunvericiliyə uyğun olaraq müvafiq maliyyələşmə ilə təmin olunacaq.

Nazirliyə görə, Dövlət Sərhəd Xidmətinin Azərbaycanın İran və Ermənistanla dövlət sərhədlərini qoruyan hərbçilər də ikiqat pul təminatı alacaq.

“Moderator.az”  saytı isə "Rusiya tarixən öz verdiyi sözü tutmayan  dövlət kimi yaddaşlarda qalıb” sərlövhəli məqalədə  Rusiya əsgərlərinin 2020-ci il noyabrın 10-dan Qarabağda slühməramlı missiyası yerinə yetirməsinə inamsız yanaşılması ortaya qoyulur.

Müəllif  hesab edir ki, Rusiya əsgərlərinin slhmərmalı missiya yerinə yetirmək kimi keyfiyyəti yoxdur:  

Müəllif xatırladır ki, 1990-cı il yanvarın 20-də Azərbayan xalıqını qıran ordu ilə indi Qarabağa gələn ordu arasında heş bir fərq yoxdur.

Bu mövzuda danışan Mill İstiqlal Partiyasının lideri Etibar Məmmədov deyir: “Rusiya tarixən ermənilərin  himayəçisi missiyasını öz üzərinə götürüb, bu 200 ildən çoxdur ki, davam edir, hələ də bu missiyadan əl çəkməyib. Rusiya Kremldə kimin hakimiyyətdə olmasına rəğmən ermənilərlə tarixi-siyasi müttəfiqdir və həmin müttəfiqlik bu günədək davam edir. Odur ki, Moskvaya heç vaxt inanmaq və etibar etmək olmaz. Rusiya tarixən öz verdiyi sözü tutmayan dövlət kimi yaddaşlarda qalıb. Onun imzaladığı heç bir müqaviləyə də, verdiyi sözə də, vədlərə də inanmaq olmaz”. 

E.Məmmədov hesab edir ki, indi sülhmərmalıları ermənilərin xilası missiyası ilə göndəriblər və onların qarşısına Qarabağdakı erməniləri xilas etmək vəzifəsi qoyulub.

MİP liderinə görə, bu qüvvələrin davranışları lazımi çərçivəyə salınmalı, yalnız sülhyaratma  missiyasına aid  işlər görməli və başqa məsələlərə burunlarını soxmamalıdırlar.

“Redaktor.az” saytı isə “Çin vaksininin keyfiyyəti aşağıdır? – ekspert rəyi” sərlövhəli məqalədə COVİD-19 pandemiyasına qarşı mübarizədə Çin vaksininin keyfiyyət səviyyəsi müzakirə edilir.

Müəllif deyir ki, sosial şəbəkələrdə Azərbaycanda koronavirusa qarşı Çin vaksinindən istifadə olunmasını bir çoxu məqbul saymırlar.

Eləcə də bir çoxu Çin vaksinlərinin Avropa və ABŞ istehsalı olan vaksinlərdən keyfiyətcə aşağı olduğunu iddia edirlər.

Amma infeksionist Vüqar Cavadzadə Çin istehsalı vaksinin daha etibarlı olduğunu bildirib: “Çin bu sahədə Avropa və ABŞ-dan daha təcrübəlidir. Çünki xəstəlik ilk dəfə Çində başladı və demək olar ki, bunun qarşısını ala bildilər” deyə infeksionist bildirir.

V.Cavadzadə vurğulayır ki, Çin vaksininin üstün cəhətləri inaktiv olması, yəni virusu tamamilə öldürməsi, immunitet formalaşdıra bilməsi, tam təhlükəsiz olmasıdır.