Media icmalı – 02.09.2023

Ölkədə Qubad İbadoğlunun ev dustaqlığına buraxılma məsələsi, əlilliyi olan şəxslər üçün yaradılan mobil xidmət,  Ağdam-Xankəndi yolunda gözləyən  karvan,  Azərbaycan XİN-in Paşinyan barədə şərhi,  RİNN dəmir yolları və dəniz nəqliyyatı ilə daşınan yüklərin tarifini müəyyən etməsi bu gün (02.09.2023) üçün əsas müzakirə olunan mövzulardan olub.

525-ci qəzet saytında yayımlanan “Məhkəmə Qubad İbadoğlunu ev dustaqlığına buraxmayıb” sərlövhəli yazıda Qubad İbadoğlunun həbsindən sonra müdafiə tərəfinin verdiyi vəsatətin təmin olunmaması ilə bağlı məlumat yazılıb.  Müəllif qeyd edib ki, Nərimanov rayon Məhkəməsində hakim Hafiz Kamranovun sədrliyi ilə keçirilən prosesdə qərar elan edilib.  Müəllifin sözlərinə görə Qubad İbadoğlunun barəsində seçilmiş həbs qətimkan tədbirinin ev dustaqlığı qətimkan tədbiri ilə əvəz edilməsi ilə bağlı müdafiə tərəfinin verdiyi vəsatət təmin edilməyib. Əlavə olaraq qeyd olunub ki, ona qarşı Cinayət Məcəlləsinin 167-3.1-ci (dini ekstremist materialları hazırlama, saxlama və ya yayma) maddəsi ilə yeni ittiham irəli sürülüb.

“Əlilliyi olan və ahıl şəxslər üçün mobil xidmət mərkəzləri yaradılacaq” sərlövhəli yazıda  yaradılacaq mobil xidmət mərkəzləri haqqında məlumat verilib.  Müəllifin sözlərinə görə planda 4 şəhər və rayonda mobil xidmət mərkəzləri vasitəsilə azı 200 nəfər əlilliyi müəyyən edilmiş və 150 ahıl şəxsə mobil xidmətlərin göstərilməsi imkanının yaradılacağı bildirilir. Bu xidmətlər onların lazım olan yardım və sosial xidmətləri daha çevik şəkildə əldə etmələrinə yönəlib. 6 şəhər və rayonda ahıl şəxslərin ictimai faydalı fəaliyyətə cəlb edilməsi, onların bilik və bacarıqlarından məqsədyönlü istifadə edilməsi və asudə vaxtlarının səmərəli təşkili ilə bağlı layihələr də həyata keçiriləcək.

“Bakıdan göndərilən 40 ton un yüklü karvan 5 gündür Ağdam-Xankəndi yolunda gözləyir”

Sərlövhəli yazıda  Bakıdan göndərilən ərzaq karvanının gözləməsi haqqında yazılıb. Müəllifin sözlərinə görə Bakıdan göndərilən ərzaq yüklü avtomobil karvanı artıq 5-ci gündür ki, Ağdam-Əsgəran-Xankəndi yolundadır. Əlavə olaraq qeyd edib ki, içərisində 40 ton un olan yük avtomobillər avqustun 29-dan Ağdam-Əsgəran-Xankəndi yolunda, Rusiya sülhməramlılarının postunun qarşısında gözləyir.

BBC Azərbaycan saytında yayımlanan  “Nikol Paşinyanın "DQR" müstəqilliyini təbriki “sülhə ciddi zərbə vurur” - Azərbaycan XİN” sərlövhəli yazıda Nikol Paşinyanın təbriki haqqında Azərbaycan XİN-in bildirdiyi  şərh haqqında məlumat verilib. Müəllifin sözlərinə görə rəsmi Bakı onun bu bəyanatının əvvəlki mövqeyi ilə “ziddiyyət” təşkil etdiyini və sülh prosesinə “ciddi zərbə” vurduğunu bildirib. Müəllif qeyd edib ki, Azərbaycan Xarici İşlər Nazirliyi Nikol Paşinyanın bu çıxışını “Qarabağ bölgəsində separatçılığın təşviqinə xidmət” kimi qiymətləndirib. Əlavə olaraq İkinci Qarabağ müharibəsindən sonra Nikol Paşinyan tez-tez çıxışlarında bildirib ki, Azərbaycanın ərazi bütövlüyünü tanıyır və beynəlxalq ictimaiyyət də Dağlıq Qarabağı Azərbaycanın tərkib hissəsi kimi tanıdığı qeyd olunub.  Müəllif sonda Nikol Paşinyanın “Dağlıq Qarabağın müstəqilliyi” təbrikindəki çıxışı detallı qeyd olunub.

Anews.az saytında yayımlanan “Azərbaycanda dəmir yolları və dəniz nəqliyyatı ilə tranzit yüklərin daşınması tariflərini RİNN müəyyən edəcək”  sərlövhəli yazıda  Tranzit Yükdaşımalar üzrə Koordinasiya Şurasının tranzit yükdaşıma, tranzit yüklərlə bağlı liman və nəqliyyat-ekspedisiya xidmətləri ilə bağlı tariflərin dövlət tənzimlənməsini həyata keçirməsi hüququ ləğv edilməsi qeyd olunub.  Əlavə olaraq müəllif qeyd edib ki, həmçinin nəqliyyat-ekspedisiya xidmətlərinin sərhədləri müəyyənləşdirilib. Belə ki, bu xidmətlər dedikdə dəmir yolu və dəniz nəqliyyatı ilə tranzit yüklərin daşınması xidmətləri, habelə tranzit yüklərlə bağlı liman qurğularının istismarı, dəniz terminalları tərəfindən yükaşırma və dəniz limanında göstərilən digər xidmətlər nəzərdə tutulacaq.