Media icmalı – 06.08.2023

Ölkədə çimərliklərlə bağlı xəbərdarlıq, hərbi  qulluqçunun özünə xəsarət yetirməsi, parklanma ilə bağlı qaydalar bu gün (06.08.2023) üçün gündəm mövzulardan olub.

525-ci qəzət saytında yayımlanan “DİN çimərliklərlə bağlı vətəndaşlara müraciət edib”  sərlövhəli yazıda DİN-in vətəndaşlara çimərliklə bağlı etdiyi xəbərdarlıqdan danışılıb.  Yazıda azyaşlıların çimərlikdə nəzarətsiz qoyulması əsas mövzu olaraq qeyd olunub.

"Bu gün 42 uşağın paytaxt çimərliklərində itməsi ilə bağlı DİN-nə məlumatlar daxil olub. Dərhal çimərliklərdə təhlükəsizlik tədbirlərinə cəlb edilən polis əməkdaşları məlumatlar üzrə əlaqələndirilməklə, həmin uşaqların tapılması təmin edilərək ailə üzvlərinə təhvil verilib”.

Anews.az saytında yayımlanan “Penitensiar Xidmətin Mühafizə Alayının hərbi qulluqçusu odlu silahla özünə xəsarət yetirib” sərlövhəli yazıda Hərbi qulluqçunun intihar etməsi haqqında məlumat verilib. Müəllif qeyd edir ki, Lənkəran hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları İdarəsinin əməkdaşları tərəfindən hadisə yerinə baxış keçirilib və lazım olan bütün prosedurlar yerinə yetirilib. Hazırda bu hadisə ilə bağlı detallı araşdırma aparıldığı qeyd olunub.

Trend.az saytında yayımlanan “Parklanmaya görə nağd pul ödənişləri qanunsuzdur” sərlövhəli yazıda parklanma qaydasında olan ödəniş dəyişikliyi haqqında məlumat verilib. Müəllif bu qaydanın 7 avqust tarixindən qüvvəyə minəcəyini qeyd edib. Yazıda müəllif nağd pulla ödənişin qanunsuz olduğunu vurğulayıb. Yazıda parklanma zamanı ödəniş qaydaları haqqında məlumat verilib. Müəllifin sözlərinə görə parklanma yerlərində müəyyən olunmuş parklanma qaydalarına riayət olunması, ödəmələrin həyata keçirilməsinə nəzarət, o cümlədən ərazidə maarifləndirmə və məlumatlandırma məqsədilə nəzarətçilər, eləcə də "Nəqliyyat Könüllüləri" prosesə cəlb olunacaqlar.

Sosial media

BakuTV

Müharibə görən ukraynalı uşaqlar Azərbaycanda- Video materialda Ukraynadan Azərbaycana gələn uşaqlar üçün hazırlanan proqram haqqında danışılıb. Uşaqları gözləyən proqram haqqında Sosial xidmətlər agentliyinin sözçüsü Murad Həşimov məlumat verib.  Hazırda 30 ukraynalı uşaq ölkəmizdə reabilitasiya proqramından yararlanacaq. Video materialda uşaqların təəsüratlarıda yer alıb.

Azadlıqradiosu

"İqtisadçı Qubad İbadoğlunun səhhəti Bakı İstintaq Təcridxanasında kəskin pisləşib".-  Son günlərdə daima gündəmdə olan Qubad İbadoğlunun hazırki vəziyyəti haqqında yazılıb. Bu haqda onun qardaşı Qalib bayramov açıqlama verib. Qardaşı Qubad İbadoğlunun səhəti haqqında öz ciddi narahatlığını bildirib. Müəllif qeyd edir ki,  bu açıqlamaya Penitensiar Xidmət və başqa uygun qurumlardan münasibət almaq mümkün olmayıb.

MeydanTV

İctimai fəallar Afiəddin Məmmədovun həbsinə etiraz edib. – Video materialda Afiəddin Məmmədovun həbsinə etirazlar göstərilib. Etirazçılar Bakı Şəhər Baş Polis İdarəsinin qarşısına Məmmədovla bağlı yazılar yapışıdırıb. Bundan əlavə afiəddin Məmmədovun həbsi haqqında detallı məlumatlar qeyd olunub.