Media İcmalı – 07.08.2023

Ölkədə Azəri-Çıraq- Günəşli yatağından əldə olunan gəlirlər, meşə yanğınlarının çoxalması, Laçın rayonundakı sərhəd nəzarət-buraxılış məntəqəsinin qarşısında 19 ağırtonnajlı yük maşınının gözləntisi bu gün (07.08.23) üçün əsas müzakirə olunan mövzulardan olub.

Anews.az saytında yayımlanan “Azəri-Çıraq-Günəşli” yatağından əldə olunan gəlirlər azalıb” sərlövhəli yazıda “ Azəri-Çıraq-Günəşli” yatağından əldə olunan gəlirlər haqqında yazılıb. Müəllif 2023-cü ilin yeddi ayında "Azəri-Çıraq-Günəşli” yatağından 4 milyard 158 milyon ABŞ dolları gəlir əldə olunub ki, bu da ötən ilin eyni dövrü ilə müqayisədə 1 milyard 525 milyon ABŞ dolları azdır.

“Həmçinin Şahdəniz yatağı üzrə kondensatın satışından əldə olunan gəlirlər 2022-ci ilin yanvar-iyulu ilə müqayisədə 6 milyon 828 ABŞ dolları artaraq 259,553 milyon ABŞ dolları olub”.

"Azəri”, "Çıraq” və "Günəşli” yatağının dərinsulu hissəsinin işlənməsi üzrə müqavilə 1994-cü il sentyabrın 20-də imzalanıb və həmin il dekabrın 12-də qüvvəyə minib. Bu müqavilənin müddəti 2024-cü ildə başa çatır. Lakin 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər hesablanmış yeni müqavilə imzalanıb. Müəllif bu müqavilə haqqında əlavə detallı məlumat verib.

Trend.az saytında yayımlanan “İkiüzlü Qərb separatçıları ruhlandırır: amma oyun nəticəsiz olacaq” sərlövhəli yazıda Azərbaycanın Ermənistanla şərti dövlət sərhədində, Laçın rayonundakı sərhəd nəzarət-buraxılış məntəqəsinin qarşısında 19 ağırtonnajlı yük maşınının "gözlənti"si haqqında məlumatlar qeyd olunub. Yazıda Ermənistanın humanitar yardım istəməsi və hazırda uzanan sülh prosesinin səbəbləri qeyd olunub. Müəllif 2014-cü ildə Ukraynada olan humanitar yardım məsələsini hazırki Azərbaycan vəziyyəti ilə müqayisə edib.

525-ci qəzetdə yayımlanan “Meşə yanğınlarının çoxalmasına səbəb nədir?”  sərlövhəli yazıda meşə yanğınları və onların səbəbləri haqqında danışılıb.Müəllif meşə yanğınlarının əsas səbəbi kimi insanların layqed və məsuliyyətsiz yanaşmasını göstərib.

“Meşə fondu və xüsusi mühafizə olunan təbiət ərazilərində baş verə biləcək yanğın hadisələrinə qarşı qabaqlayıcı tədbirlərin həyata keçirilməsi üzrə 2023-2025-ci illər üçün Birgə Fəaliyyət Planı" hazırlanıb və bu istiqamətdə bir sıra mühüm tədbirlər həyata keçirilir. Cari ildə Azərbaycanın rayonlarında 158 könüllü yanğınsöndürmə dəstələri təşkil olunub və bu işə 1020 nəfər cəlb edilib. Lakin  görülən tədbirlərə baxmayaraq, ölkə üzrə son 7 ildə 199 yanğın hadisəsi baş verib, 2250,7 ha sahə yanğına məruz qalıb”.

Bu haqda müəllif Ekologiya və Təbii Sərvətlər Nazirliyi Meşələrin İnkişafı Xidmətinin rəisi əvəzi Cabbar Qəribovla danışıb.

Sosial media

Azadlıqradiosu

İşçi fəala 4 ay həbs verildiyi deyilir. Müəllif qeyd edir ki bu barədə gənc fəalın yaxınları məlumat verib. Onların sözlərinə görə, E.Mustafayev narkotik maddələrin satışında ittiham edilir.

Qubad İbadoğlunun şikayəti təmin edilməyib.- Yazıda  Qubad İbadoğlunun bu gün keçirilən məhkəməsi haqqında məlumat verilib. Müəllif qeyd edir ki, Qubad İbadoğlunun ev dustaqlığına baxılması haqda müraciətinə baxılıb və rədd edilib. Vəkili "Səhhətində ciddi problem yaşanır, çəkisi aşağı düşüb, qan təzyiqindən və şəkərdən əziyyət çəkir, şah damarında genişlənmə (aortanın genişlənməsi) var. Bütün bunlar bir neçə gün əvvəl həkim briqadasının apardığı müayinənin nəticəsidir".-deyə qeyd edib.

MeydanTV

Ölkədə bütün siqaretlərin qiymətinin 10-20 qəpik bahalaşdığı bildirilir.- müəllif dəyişən siqaret qiymətləri haqqında məlumat verib. “Siqaretlərin qiyməti firmalar tərəfindən qaldırılıb. Belə ki, bəzi siqaretlərin qiymətində 10, bəzilərində isə 20 qəpik bahalaşma müşahidə olunur”.