Media icmalı-11. 07.2023

Ölkədə Azərbaycan, Rusiya və İranın enerji sistemlərini birləşirməsi, Qərbi Azərbaycan İcması BMT-nin İnsan hüquqları üzrə Ali Komissiarına müraciəti, “Okamponun rəyinə istinadən Azərbaycanı suçlayanlar nüfuzlarına ziyan vururlar”. Bakıdan şərh, Audiovizual Şura universal platforma operatorunun lisenziyasını ləğv etməsi bu gün (11.08.2023) üçün əsas müzakirə olunan mövzulardan olub.

“Anews.az” saytında yayımlanan “Azərbaycan, İran və Rusiya enerji sistemlərini birləşdirir” sərlövhəli yazıda Azərbaycan, İran və Rusiyanın enerji sistemlərinin birləşdirilməsi üzrə texniki-iqtisadi əsaslandırmanın gedişatı barədə məlumat verilib. Müəllif qeyd edir ki, Bu qərar Rusiya energetika nazirinin müavini Pavel Snikkars, Azərbaycanın energetika nazirinin müavini Elnur Soltanov, İranın energetika nazirinin müavini Homayun Xaeri və üç ölkənin enerji şirkətlərinin nümayəndələri arasında keçirilən üçtərəfli danışıqlarda qəbul edilib. Müəllif millət vəkili Ceyhun Məmmədovun bu haqda fikirlərini qeyd edib.

"Əslində bu Azərbaycanın gələcəkdə enerjini digər ölkələrə satmaq imkanını daha da genişləndirəcək. Bu baxımdan da belə bir layihənin həyata keçirilməsi çox önəmlidir. Bu gün reallıq ondan ibarətdir ki, dünyada enerjiyə tələbat getdikcə  artır və bu tələbatın ödənilməsi üçün dövlətlər müxtəlif addımlar atırlar. Bu gün Azərbaycan da xaricə enerji satmaq üçün müxtəlif layihələrin icrasına başlayıb. Hesab edirəm ki, belə bir addımın atılması kifayət qədər önəmlidir. Burada söhbət ondan gedir ki, biz bunun üçün texniki imkanları yaradırıq, yəni istənilən vaxt bu prosesə qoşulub hansısa ölkəyə enerjini sata bilərik, eyni zamanda imkanlardan istifadə edib, ehtiyac yaranarsa, enerji də əldə edə bilərik. Buna görə də belə bir əməkdaşlığın qurulması çox önəmlidir. Burda Qərb ölkələrinə və yaxud Azərbaycana problem yaradacaq bir məsələ yoxdur”

Müəllif Rusiya, Azərbaycan və İranın enerji sistemlərinin birləşdirilməsi məsələsi 2005-ci ildən müzakirə olunduğunu da qeyd edib.

525-ci qəzet saytında "Etnik təmizləmə törədənlər və qayıdışımıza mane olanlar məsuliyyətə cəlb edilməlidir" sərlövhəli yazıda Qərbi Azərbaycan İcmasının  BMT-nin İnsan hüquqları üzrə Ali Komissiarına müraciəti haqqında yazılıb. Yazıda əsas mövzu Ermənistandan qovulan azərbaycanlıların pozulan hüquqları və edilən müraciət qeyd olunub. Müəllif qeyd edir ki, məktubda Ermənistanın azərbaycanlılara qarşı etnik təmizləmə aparması nəticəsində insan hüquqlarının miqyaslı şəkildə pozulması və Ermənistanın qovulmuş azərbaycanlıların öz evlərinə qanuni şəkildə qayıtmasına mane olması barədə məlumat verilib. Müəllif tarixi  faktları da vurğulayıb. 

“Audiovizual Şura universal platforma operatorunun lisenziyasını ləğv edib” Audiovizual şuranın keçirdiyi iclasda müzakirə olunan mövzular və qəbul edilən qərarlar haqqında yazılıb. Müəllif qeyd edir ki, Bakı Teleqüllə Kompleksindən 33-cü və 36-cı TV yayım kanallarının multipleks operatorlarının istifadəsinə verilməsi üçün elan edilmiş müsabiqəyə sənəd təqdim etmiş ərizəçilərin ("ATV Plus" MMC və "AzəriGlobalServis" QSC) müsabiqəyə buraxılması haqqında müvafiq qərar qəbul edilib. "İzone" MMC-dən ona verilmiş 26.12.2022-ci il tarixli UPO-017 qeydiyyat nömrəli universal platforma operatoru lisenziyasının ləğv olunması barədə Şuraya müraciətinə baxılaraq həmin lisenziyanın ləğv edilməsi barədə müvafiq qərar verildiyi qeyd olunub.