Media icmalı – 11.09.2023

Ölkədə təmir olunan məktəb və bağçalar, sıxlıq olan yollar, Azərbaycanda rəqabət orqanlarının yaradılması, əsir saxlanılan əsgərlərlə görüş, marşurut xəttlərinə əlavə olunan avtobuslar, Ermənistanın təxribat üçün əl atdığı yollar bu gün ( 11.09.2023) üçün əsas gündəm mövzulardan olub.

525-ci qəzet saytında yayımlanan “Bakıda təmir olunan məktəb və bağçaların sayı açıqlanıb” sərlövhəli yazıda təmir olunan təhsil müəssisələri haqqında məlumat verilib. Müəllifin sözlərinə görə bu il Bakı şəhəri üzrə 50 ümumtəhsil və 30 məktəbəqədər təhsil müəssisəsinin təmiri başa çatdırılıb. Əlavə olaraq 1 məktəb və 5 bağçada əsaslı təmir aparıldığı vurğulanıb.

“Bakıda sıxlıq müşahidə olunan yollar” sərlövhəli yazıda sıxlıq olan yolların siyahısı verilib. Müəllifin sözlərinə görə Nəqliyyatı İntellektual İdarəetmə Mərkəzi feysbukda məlumat yayıb. Yazıda qeyd olunub ki, Heydər Əliyev prospekti kənar yol, mərkəz istiqamətində; Ziya Bünyadov prospekti, Müzəffər Nərimanov küçəsi ilə kəsişmədən "20 Yanvar" metrostansiyası; Tbilisi prospekti, "20 Yanvar" metrostansiyasından mərkəz istiqaməti; Koroğlu Rəhimov küçəsi, Gülarə Qədirbəyova küçəsindən Ak. Həsən Əliyev küçəsi istiqamətində: Bakı-Sumqayıt şosesi, "20 Yanvar" metrostansiyası istiqamətində sıxlıq müşahidə olunub.

Trend.az saytında yayımlanan “Azərbaycanda rəqabət orqanı və rəqabət komissiyası olacaq” sərlövhəli yazıda rəqabət qanunvericiliyinə əməl edilməsi üçün yeni yaradılacaq qurum haqqında məlumat verilib. Müəllifin sözlərinə görə rəqabət orqanı rəqabət qanunvericiliyinə əməl edilməsinə dövlət nəzarətini həyata keçirən, dövlətin rəqabət siyasətinin formalaşdırılmasında iştirak edən və həmin siyasətin həyata keçirilməsini, habelə rəqabət sahəsində tənzimlənməni təmin edən müvafiq icra hakimiyyəti orqanının müəyyən etdiyi orqan (qurum) olacaq. Əlavə olaraq vurğulanıb ki, rəqabət qanunvericiliyinin pozulması əlamətləri üzrə iş qaldırılması rəqabət komissiyasının qərarı əsasında həyata keçiriləcək. Qərar 5 (beş) iş günü müddətində işin tərəflərinə təqdim olunacaq.

Anews.az saytında yayımlanan “Ermənistanda əsir saxlanılan əsgərlərlə görüş keçirilib” sərlövhəli məqalədə əsir düşənlərin hazırki vəziyyəti haqqında məlumat verilib. Müəllifin sözlərinə görə Beynəlxalq Qırmızı Xaç Komitəsinin (BQXK)  nümayəndələri Ermənistanda saxlanılan iki Azərbaycan vətəndaşına yenidən baş çəkiblər. Əlavə olaraq qeyd olunub ki, aprelin 17-də İrəvan məhkəməsi Azərbaycan əsgərləri Aqşin Bəbirov və Hüseyn Axundovun Ermənistanla sərhədi qanunsuz keçməsinə görə həbs edilməsinə qərar verib. Ermənistanda əsir düşən iki hərbçidən biri olan - Hüseyn Axundov 20 il müddətində həbs olunub. Müəllifin sözlərinə görə əsir və itkin düşmüş, girov götürülmüş vətəndaşlarla əlaqədar Dövlət Komissiyası itkin düşən iki Azərbaycan hərbçiləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlunun Ermənistanda olmasını ehtimal edərək onların azad olunmaları ilə bağlı aidiyyəti beynəlxalq təşkilatlara rəsmi müraciət edib.

Bizim yol saytında yayımlanan “Bakıda marşrut xətlərinə əlavə 112 avtobus cəlb edilib” sərlövhəli məqalədə əlavə olunan marşurutlarla bağlı məlumat verilib. Müəllifin sözlərinə görə nəqliyyat vasitələri sərnişin tələbatının daha çox müşahidə edildiyi 1, 2, 3, 6, 7A, 11, 13, 14, 21, 33, 38, 40, 46, 49, 60, 71, 77, 79, 88, 96, 114A, 114B, 119, 125, 133, 136, 160, 165, 199, 206 və M8 marşrut xətləri üzrə istifadəyə verilib.

“Ermənilər təxribat məqsədilə heyvanlardan istifadə edirlər” sərlövhəli yazıda ermənilərin təxribatı ilə bağlı məlumat verilib. Müəllifin sözlərinə görə sentyabrın 11-i saat 08:30 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Ordumuzun Xocavənd rayonu istiqamətində döyüş növbətçiliyi aparan hərbi qulluqçularına qarşı itdən sui-qəsdçi kimi istifadə etməklə terror aktı törətməyə cəhd göstəriblər.

Sosial media

Azadlıqradiosu

Qarabağ erməniləri Ağdam yoluna razı oldu – Müəllifin sözlərinə görə Yardımı Rusiya çatdıracaq. Dağlıq Qarabağdakı separatçı rejim humanitar yardımların çatdırılması üçün Ağdam yolundan istifadəyə razı olub. Müəllif qeyd edib ki, Yardımı Rusiya çatdıracaq. Dağlıq Qarabağdakı separatçı rejim humanitar yardımların çatdırılması üçün Ağdam yolundan istifadəyə razı olub.

Cənubi Qafqazda İşləməsinə baxmayaraq borcu olanların ən yüksək paya sahib olduğu ölkə Azərbaycandır-  Müəllifin sözlərinə görə Azərbaycanda işləyənlərin 68 faizi borcu olduğunu deyib. Ermənuistanda bu göstərici 64, Gürcüstanda isə 49 faizə bərabərdir.