Media icmalı – 12.09.2023

Ölkədə metrolarda bank kartı ilə ödəniş edilməsi, banklarda kredit problemi, Zaxarovanın Paşiniyanı tənqid etməsi, Gündüz Ağayevin karikaturaları, gənclərin teatra cəlb olunması bu gün (12.09.2023) üçün əsas müzakirə olunan mövzulardan olub.

Anews.az saytında yayımlanan “Gələn ildən metroda bank kartı ilə ödəniş üçün işlərə başlanılacaq” sərlövhəli yazıda bank kartları ilə metrolarda ödəniş etmək haqqında yazılıb. Müəllifin sözlərinə görə  Bənövşəyi xəttin "Xocəsən” və "8 Noyabr” stansiyalarında sərnişinlər "BakıKart” plastik kartından savayı, "BakıKart” mobil tətbiqinin QR biletlərindən də istifadə edə bilərlər. Bu prosses hələki yoxlanış mərhələsindədir. Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib ki, gələn ilin əvvəlindən bütün stansiyalarda bu tətbiq olunacaq.

525-ci qəzet saytında yayımlanan “Borclu borclunun sağlığını istər.” sərlövhəli yazıda banklarda olan kredit problemləri haqqında danışılıb. Müəllifin sözlərinə görə əhalinin banklardakı əmanətlərinin məbləği il ərzində 20,3 faiz artaraq cari ilin iyulun 1-nə milli valyuta ekvivalentində 12 milyard 748,8 milyon manat təşkil edib. Dövlət Statistika Komitəsinin yaydığı xəbərə görə, əmanətlərin 63,4 faizi milli, 36,6 faizi xarici valyutada qoyulub, milli valyutada olan əmanətlərin məbləği əvvəlki ilin eyni dövrü ilə müqayisədə 27,7 faiz, xarici valyutada qoyulmuş əmanətlərin məbləği isə 9,4 faiz artıb. Ölkədə problemli kreditlərin məbləği isə ilin əvvəlinə nisbətən 16,7 faiz, son 1 ildə isə 25,3 faiz azalıb. Müəllif əmanətlərin artma səbəbləri ilə bağlı iqtisadtçı ekspert Xalid Kərimli il danışıb.

“Vergi güzəştinin uzadılmaması səbəbindən vətəndaşlar əmanətlərini çəkib nə edəcəklər!? Ölkəmizdə nə kapital, nə də səhm bazarı var. İstiqraz bazarı isə çox zəif inkişaf edib. Bizim vətəndaşlar pulunu ya daşınmaz əmlak sahəsinə qoyur, ya da banka. Son illər isə daşınmaz əmlak bazarında risklər artıb: "Amma pis-yaxşı ölkədə bank sektoruna nəzarət var, dövlət 100000 manata qədər olan əmanətləri sığortaladığına görə vətəndaşlar bu bazarda loyal olaraq qalırlar". – Xalid Kərimli

Bundan əlavə yazıda problemli kreditlərin azalması haqqında da danışılıb. Hüquqşünas Əkrəm Həsənov problemli kreditlərin azalma səbəbi olaraq ya borc alanların təzyiq nəticəsində geri qaytarması ya da ümumiyyətlə məbləğin geri qayıtmaması və bunun  bank hesabından silinməsini görür. Bununla bağlı isə banklar detallı məlumat vermir.

Trend.az saytında yayımlanan “Zaxarova Paşinyanın ritorikasını tənqid etdi” sərlövhəli yazıda  Paşinyana qarşı olan münasibət haqqında yazılıb. Müəllifin sözlərinə görə Zaxarova  baş nazir Nikol Paşinyanın təxribat xarakterli açıqlamalarını şərh edərkən onun çıxışını ciddi tənqid edib.

“Ritorika elə olmalıdır ki, vəziyyətin tənzimlənməsinə imkan yaratsın. Qızışdırmağı, alışdırmağı, uzaqlaşdırmağı artıq hamı öyrənib”. - Rusiya Xarici İşlər Nazirliyinin mətbuat xidmətinin rəhbəri Mariya Zaxarova

Zaxarova birləşdirib barışmaqla bağlı nitqlərə daha çox yer verilməsinin tərəfdarı olduğunu bildirib.

BBC Azərbaycanca saytında yayımlanan “Gündüz Ağayev: "Ölkədə gərginlikdir. Hökumətə gücləri çatmır, mənə hücum etmək asandır" sərlövhəli yazıda Gündüz Ağayevin karikaturalarına gələn reaksiyalar haqqında danışılıb. Müəllif Gündüz Ağayevin özü ilə video müsahibə edib. Gündüz Ağayev bunun söz aldığının pozulması kimi qiymətləndirib. Hazırdakı gərginliklərində bunda rolu olduğunu qeyd edib.

Jamnews saytında yayımlanan “Gəncləri teatra cəlb edib, çayxanadan daha maraqlı yerin olduğunu göstərmək lazımdır” sərlövhəli yazıda  teatra cəlb olunan gənclər haqqında danışılıb. Yazıda Rəhman Şıxıyevin yaradıcılığı haqqında da məlumat verilib. Müəllifin sözlərinə görə o, teatra marağın olmamasını vurğulayıb.

“İndi “Xalq Teatrı”nın tək adı qalıb. İnsanlar artıq teatra maraq göstərmir. O dövrün insanında teatr, mədəniyyət anlayışı vardı. İndikilərdə isə boz çayxana təəssüratları. Bu məni incidir, kövrəldir”. – Rəhamn Şıxıyev.