Media icmalı- 13.08.2023

Ölkədə dünya okeanının qızması, Qərbi Azərbaycan icmasının açıqlaması, Azərbaycanın idxalı bu gün(13.08.2023) üçün əsas gündəm mövzulardan olub.

BBC Azərbaycan saytında yayımlanan “İlıq dəniz dəhşətli istidən pisdir. Dünya okeanının birdən qızması alimləri təşvişə salıb” sərlövhəli yazıda okean sularının isinməsinin səbəbləri və nəticələri haqqında geniş məlumat verilib. Müəllif bu mövzuda alimlərin və digər ekspertlərin yanaşmalarını və proqnozlarını qeyd edib. Müəllif qeyd edir ki, alimlər baş verən istiləşmədən daha çox suyun isinməsinə görə narahat olublar. Hər şey alimlərin praqnozlaşdırdığı kimi baş verir. Gözlənilməz olan isə bu prosessin sürətlənməsidir. Müəllif qeyd edir ki, alimlərin xəbərdarlığına baxmayaraq bütün dövlətlər bunun qarşısının alınması üçün eyni dərəcədə çalışmırlar.

525-ci qəzet saytında yayımlanan “Qərbi Azərbaycan İcması “Kilikiya katolikosu”nun cəfəng açıqlamalarını pisləyir” sərlövhəli yazıda “Kilikiya katolikosu”nun Azərbaycanın əleyhinə verdiyi açıqlamaya olan reaksiya haqqında yazılıb.

“Din xadimi kimi deyil, daşnak təfəkkürlü siyasətçi kimi danışan “Kilikiya katolikosu”na xatırladırıq ki, əsrlərdir erməni kilsəsinin təşviq etdiyi “dənizdən dənizə böyük Ermənistan” nağılı, irqçi mifiologiya 2020-ci il Vətən müharibəsi zamanı Azərbaycan tərəfindən darmadağın edilmişdir və artıq geriyə yol yoxdur. Əgər “Kilikiya katolikosu” indi erməni xalqının mənafeyini düşünürsə, onda regionda düşmənçiliyi, başqa ölkəyə ərazi iddiasını deyil, sülhü və barışığı və bu xüsusda, Qərbi azərbaycanlıların öz doğma yurdlarına qayıdışı üçün Ermənistan hakimiyyətinin İcma ilə dialoqunu təşviq etməlidir.

Qərbi Azərbaycan İcması Livan ictimaiyyətini “Kilikiya katolikosu”nun nifrət dolu, Azərbaycanın suverenliyini, ərazi bütövlüyünü hədəf alan, onun daxili işlərinə müdaxiləyə çağıran açıqlamalarını pisləməyə çağırır", - məlumatda qeyd edilib.

Anews.az saytında yayımlanan “Ötən illə müqayisədə Azərbaycanın idxalı 22.5 faiz artıb” sərlövhəli yazıda bu ilin birinci yarısında Azərbaycanın idxal etdiyi məhsulların dəyərində kəskin artımı haqqında danışılıb. Bu barədə müəllif iqtisadçı, millət vəkili Vüqar Bayramovdan açıqlama alıb.

“İdxalın artım stukturuna diqqət yetirəndə bir sıra dəyişikliklər diqqəti cəlb edir. Bu müddətdə mal əti idxalı 2.6 dəfə, siqaretlər 34,5 faiz, məişət soyuducuları 68,6 faiz, minik avtomobilləri 38,8 faiz, buğda 23,1 faiz, dərman vasitələri 5,5 faiz, unlu qənnadı məmulatları 5,1 faiz, şokolad və şokolad məhsulları 2,6 faiz artmışdır. Xüsusən, mal əti idxalının kəskin artımı diqqətdən yayınmamalıdır”.

Sosial media

Azadlıq radiosu

Ermənistan BMT Təhlükəsizlik Şurasına müraciət edib- Müəllif qeyd edib ki, Şuradan Azərbaycanın əsasən ermənilərin yaşadığı Dağlıq Qarabağda humanitar durumun pisləşməsi ilə bağlı təcili iclas keçirməsini istəyib. “Ermənistanın baş naziri Nikol Paşinyan avqustun 11-də blokadaya toxunaraq bildirib ki, humanitar yardımın çatdırılmasına qadağa qoyulması “soyqırım”dır.

Paşinyan Azərbaycana iki Cənubi Qafqaz ölkəsi arasında “sülh üçün tarixi fürsəti ləğv etmək” barədə xəbərdarlıq edib”.

MeydanTV

İctimai fəal, yazıçı Səməd Şıxı ilə müsahibə- Video müsahibədə Səməd Şıxının yazdıqlarına görə tutulmasından danışılıb. “Yazıcı olmağın müsbət tərəfi varsa, mənfi tərəfi daha çoxdur. Əlbəttə, öz azad fikrini çatdırırsansa, təqib də olacaq, təzyiq də. İlk təzyiqdən qaçmağı düzgün saymıram. Mən yazmağa davam edəcəyəm”.

Müəllif qeyd edib ki,  avqustun 11-də Abşeron Rayon Polis İdarəsinin Qobu qəsəbəsində yerləşən bölməsinə aparılıb. Polis bölməsində ondan Söyüdlü hadisələri ilə bağlı yazdığı paylaşımları silməyi tələb edildiyini vurğulayıb.

Arıçılıq Habil İbrahimovla müsahibə- “Arıçılıq Habil İbrahimovun ailə peşəsidir. Astaranın Miki kəndindən olan arıçının 120 arı ailəsi var. O deyir ki, balı Avropa bazarına çıxarmaq istəyir, lakin etdiyi müraciətlər cavabsız qalıb. Arıçı Habil İbrahimov deyir ki, arılara müntəzəm qayğı göstərmək və onlara bələd olmaq lazımdır. Onun əsasən limon ağaclarından ibarət sitrus bağı da var. Ancaq əsas gəlir yeri arılarıdır”. Video müsahibə arıçıların öz məhsullarını ölkədən kənara çıxra bilməməsindən şikayətlənib.  Müəllif bu haqda ekspert Vahid Məhərrəmovla danışıb. Vahid Məhərrəmov  bal istehsalının kifayət qədər olmadığını vurğulayıb.