Media icmalı-17.08.2023

Ölkədə partiyanın ləğv olunması, Fizuliyə köçün başlaması, qız uşaqlarının sayının azalması, BMT TŞ-da müzakirələr, Azərbaycanın şəhər infrastrukturu bu gün (17.08.2023) üçün əsas müzakirə olunan mövzulardan olub.

Anews.az saytında yayımlanan “Ədliyyə Nazirliyi daha bir partiyanı ləğv edib” sərlövhəli yazıda ləğv olunan partiya haqqında məlumat verilib.  Müəllif qeyd edir ki, Azərbaycanda daha iki partiya - Vahid Azərbaycan Milli Birlik Partiyası və "Qorqud” Partiyası ləğv olunub. Müəllifin sözlərinə görə Azərbaycanda ləğv olunan partiyaların sayı 13-ə çatıb. Müəllifin sözlərinə görə Layihə Venesiya Komissiyasının 233 tövsiyəsindən seçki prosesi ilə bağlı olmayan və sırf siyasi partiyanın statusuna və fəaliyyətinə aid 132 tövsiyəsindən  112-si nəzərə alınıb.

“Sabahdan Füzuliyə ilk köç başlayır” sərlövhəli yazıda Qarabağa köçürülmənin növbəti mərhələsindən danışılıb. Müəllifin sözlərinə görə avqustun 18-də Füzuliyə il köç olaraq 90 nəfərdən ibarət olan 23 ailə yola düşəcək. Avqustun 5-də püşkatma keçirilib. Müəllifin sözlərinə görə püşkatmada 144 ailə (509 nəfər) iştirak edib. Ailə tərkibinə uyğun olaraq, onlardan 51-nə ikiotaqlı, 76-na üçotaqlı, 17-nə dördotaqlı mənzil verilib.

“Füzuli işğaldan əvvəl 2 şəhər, 16 qəsəbə, 82 kənd və başqa yaşayış məntəqələri mövcud olub. Füzulinin Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri Azərbaycan ordusu tərəfindən 17 oktyabr tarixində işğaldan azad edilib”.

Trend.az saytında yayımlanan “Azərbaycanda qız uşaqlarının sayı niyə azalır? – Komitədən AÇIQLAMA” sərlövhəli yazıda qız uşaqlarının azalma səbəbləri haqqında yazılıb. Bu haqda Ailə, Qadın və Uşaq Problemləri üzrə Dövlət Komitəsinin aparıcı məsləhətçisi Sədaqət Rəhimovadan açıqlama alınıb.  Sədaqət Rəhimovanın sözlərinə görə buna səbəb qadınların selektiv abortlarla uşağın cinsiyyətinə görə müraciət etməsidir. Müəllifin sözlərinə görə cari ilin yanvar-iyun aylarında ölkə üzrə 53918 doğulan körpə qeydə alınıb. Doğulanlar arasında oğlan uşaqlarının xüsusi çəkisi 53,2 faiz, qız uşaqlarının xüsusi çəkisi isə 46,8 faiz olub.

“Bəzən də qadın yalnız qız uşaqları dünyaya gətirdiyi üçün tərk edilir. Ümumiyyətlə, oğlan uşaqlarına üstünlüyün verilməsi ölkədə mövcud olan gender stereotipləri, oğlan uşaqlarına daha yüksək dəyər aşılayan patriarxal ailə strukturu və sosial normaların təzahürüdür, ölkədə gender əsaslı cins seçiminin kökündə dayanan əsas səbəbdir”, - Sədaqət Rəhimova

Müəllif qeyd edib ki, Ailə, Qadın və Uşaq Problemləri üzrə Dövlət Komitəsi tərəfindən də mövzu ilə bağlı regionlarda silsilə maarifləndirici tədbirlər həyata keçirilir, bukletlər çap olunur, sosial çarxlar çəkilir.

BBCazərbaycanca saytında yayımlanan “BMT TŞ-da müzakirələr: ABŞ, Britaniya və Fransa Azərbaycanı Laçın yolunu açmağa çağırıb” sərlövhəli yazıda BMT Təhlükəsizlik Şurası ermənilərin yaşadığı Azərbaycanın Qarabağ bölgəsini Ermənistanla birləşdirən Laçın yolunun “bağlanmasından” sonra yaranmış “humanitar böhranı” müzakirə etmək üçün təcili çağırdığı iclasda müzakirə olunanlar haqqında yazılıb. Əsas  müzakirə mövzusu Laçın yolunun hazırda bağlı olması olub. Çıxış edən ölkə təmsilçilərinin çoxu  Laçın yolunun açılmasını təklif ediblər.

“Fransa Laçın dəhlizi ilə hər iki istiqamətdə nəqliyyatın qeyd-şərtsiz bərpasına çağırıb.

Fransa təmsilçisi həmçinin, bölgədə davamlı sülhə sadiq olduqlarını bildirib və Dağlıq Qarabağ ermənilərinin hüquqları da daxil, sülh danışıqlarının bərpasını istədiyini deyib”.

Jamnews.az saytında yayımlanan “Azərbaycanın şəhər infrastrukturu əlillərə hesablanmayıb” sərlövhəli yazıda Azərbaycanda olan yolların inkluziv olmaması haqqında yazılıb.  Nümunə kimi isə 25 yaşlı Aysel Cəfərlinin, Umud Rüstəmovun hekayəsi qeyd olunub. Aysel dəfələrlə bununla bağlı müxtəlif qurumlara müraciət etdiyini vurğulayıb. Müəllifin sözlərinə görə sadecə Mingəçevirdə yox ölkənin bütün yerlərində vəziyyət belədir.

AYNA – dan bildirilib ki, 6 ilə 2500 pandus quraşdırılıb.

“Memar-dizayner Aysel Hüseynova şəhərdə quraşdırılan pandusların çoxunun maililiyinin yanlış olması haqda danışarkən qeyd edir ki, hazırda panduslar quraşdırılarkən uzunluğa görə bucaqların təyin edilməsi üçün hazır proqramlar var”.

“Cinsindən, yaşından, sağlamlıq və sosial vəziyyətindən asılı olmayaraq hər bir insanın istənilən ictimai yerdə – parklarda, səkilərdə, mağazalara, klinikalara, təhsil müəssisələrinə… sərbəst hərəkət edə bilməlidir”.

Sosial media

Azadlıqradiosu

Rusiya İran dronlarını uşaqlara yığdırır- Müəllif yazıda qeyd edib ki, Tatarstandakı Alabuqa Politexnik Universitetində yetkinlik yaşına çatmayan tələbələrin əməyi istismar edilir. Onlar yaxınlıqdakı xüsusi iqtisadi zonaya aid müəssisələrdə İranın hücum dronlarını yığırlar. Müəllifin sözlərinə görə Ukrayna şəhərlərini bombalamaqdan ötrü istifadə edilən İran silahlarının təzəlikcə Rusiyada yığılmağa başlaması gərginliyi artıra və dinc sakinlərin ölümünə yol aça bilər.

MeydanTV

Kuriyerlər 40 dərəcə istidə yeməkləri 15-20 dəqiqə çantalarda daşıyırlar,bu, müəyyən problemlər yarada bilər.- Müəllif Milli Məclisin deputatı Rüfət Quliyevdən açıqlama alıb.

“Dövlətin qoyduğu qaydalar bundan ibarətdir ki, insanların qida təhlükəsizliyi ilə əlaqədar bağlı məsələlər həll olunmalıdır. Təsəvvür edin, indi hərarət, təxminən, 40 dərəcədən çox qalxır. Bu istidə kuryerlər sifariş olunan yeməkləri 15-20 dəqiqə xüsusi çantalarda daşıyırlar. Müəyyən problemlər yarana bilər. Bu, insanların təhlükəsizliyi ilə bağlı məsələdir. İstənilən hal deyir ki, kuryerlərin sayı azalsın. Yenə də kuryer xidmətləri tələbələr, gənclər üçün iş yerləridir. Bu məsələni ehtiyatla həll etmək lazımdır”.