Media icmalı- 22.08.2023

Ölkədə bəzi avtobusların gecikməsi, füzulidə açılan məktəblər, Bakı əhalisinin rəsmi sayı, Azərbyacandan Çexiyaya çağırış, binaların zəlzələyə davamlı olması üçün görülən tədbirlər bu gün (22.08.23) üçün əsas gündəm mövzulardan olub.

525-ci qəzet saytında yayımlanan “AYNA: 148 avtobusun hərəkət intervalında gecikmələr var” sərlövhəli yazıda gecikmələr olan avtobusların siyahısı qeyd olunub. Müəllifin sözlərinə görə nəqliyyat sıxlıqları səbəbindən 39 müntəzəm marşrut xətti üzrə 148 avtobusun hərəkət intervalında gecikmələr var. Bu gecikmələr haqqında detallı məlumatı AYNA verib. Müəllif gecikmələr olan yolları qeyd edib:

Bakı-Sumqayıt şosesi - Bakı Beynəlxalq Avtovağzal Kompleksi, Tbilisi prospekti, 3-cü mkr dairəsi istiqamətində Ceyhun Səlimov küçəsi, Rövşən Cəfərov küçəsi, Cavadxan küçəsi, Asif Məhərrəmov küçələri, Binəqədi şosesi, Zabrat şosesi, Yavər Əliyev küçəsi, Qara Qarayev prospektindən keçən marşurutlarda gecikmələr baş verib.

"Füzulidə məktəbin açılması dostluq münasibətlərimizi daha da möhkəmləndirəcək" sərlövhəli yazıda Özbəkistanın mədəniyyət naziri Ozodbek Nazarbekovun ikili münsaibətlər haqqında dediyi fikirlər qeyd olunub. Özbəkistan mədəniyyət naziri bir neçə mövzunu vurğulayıb.

“Azərbaycanda 1-4 avqust tarixlərində Özbəkistan Mədəniyyət Günləri təşkil edilib. Müxtəlif tədbirlər, sərgilər keçirilib və Azərbaycan xalqının Özbəkistan mədəniyyətinə böyük marağının şahidi olduq”.

“Füzulidə məktəb açılışına qardaş Azərbaycan xalqının isti münasibətini görürük. Bu cür işlərin görülməsi də öz növbəsində ölkələrimiz arasında dostluq münasibətlərinin daha da möhkəmləndirilməsində rol oynayacaq”.

Anews.az saytında yayımlanan “Bakı əhalisinin rəsmi sayı açıqlanıb” sərlövhəli yazıda Bakıda hazırda yaşayan əhalinin sayı qeyd olunub. Müəllifin sözlərinə görə 1 yanvar 2023-cü il tarixinə Bakı şəhərində 2 milyon 336 min 600 nəfər sakin rəsmi qeydə alınıb. Əlavə olaraq qeyd olunub ki, rəsmi qeydiyyatda olanların 1 milyon 146 min nəfəri kişilər, 1 milyon 190 min 622 nəfəri qadınlardı.

“Çexiyanı Azərbaycanın suverenliyinə və ərazi bütövlüyünə hörmət etməyə çağırırıq – İcma” sərlövhəli yazıda Yan Lipavskinin Laçın yolunda "blokada”nın olması ilə bağlı   2023-cü il avqustun 22-də səsləndirdiyi  fikirə qarşı şərh qeyd olunub.

“ Biz Çexiyanı Ermənistanın yalan siyasətinə aldanmamağa, Azərbaycanın suverenliyinə və ərazi bütövlüyünə hörmət etməyə və onun daxili işlərinə müdaxilə etməməyə çağırırıq”.

Trend.az saytında yayımlanan “Azərbaycanda binaların zəlzələyə davam gətirməsi üçün yenilik tətbiq ediləcək - Onlar nələrdir?” sərlövhəli yazıda Azərbaycan və Türkiyə arasında ölkəmizdə Elektron Beton Monitorinq Sisteminin (EBIS) yaradılması üçün imzalanan əməkdaşlıq protokolu haqqında yazılıb.  Müəllifin sözlərinə görə  bu  sistem Türkiyədəki zəlzələlərdən sonra əldə edilmiş təcrübələrlə texnoloji inkişafı uyğunlaşdırmaq, mümkün problemləri bəri başdan aradan qaldırmaq, daha effektiv və səmərəli yoxlamanı təmin etmək məqsədi ilə yaradılıb. Bu haqda müəllif  əmlak üzrə ekspert Ramil Qasımzadədən şərh alıb.

"Bundan əvvəl də ölkəmizdə betonun keyfiyyətini yoxlamaq üçün müvafiq qurumlar tərəfindən iş aparılırdı. Davamlı olaraq monitorinqlər həyata keçirilirdi. Hər bir Mənzil Tikinti Kooperativi (MTK) və Məhdud Məsuliyyətli Cəmiyyətlər (MMC) bina tikməzdən əvvəl Fövqəladə Hallar Nazirliyini məlumatlandırır və nazirliyin tərkibində bu işə cavabdeh olanlar betonun tərkibində nümunələr götürüb onun yoxlamasını müxtəlif vasitələrlə həyata keçirir"

Əlavə olaraq yazıda Türkiyədə bu sistem 2018-ci ildən tətbiq olunduğu və bu il avqustun 14-nə qədər ölkə daxilində 381 376 binadan 30 388 676 çip beton nümunəsi götürülərək 99,45 % uğurlu nəticə əldə edildiyi qeyd olunub.