Media icmalı – 31.07.23

Ölkədə mopedlərlə bağlı cərimələr, Laçına qayıdan sakinlər, Bərdə- Ağdam yolu, siyasi məhbusların siyahısı bu gün (31.07.2023) gündəm  mövzulardan olub.

“Anews.az”  saytında yayımlanan “Mopedlərlə bağlı cərimələr avqustun 1-dən qüvvəyə minir” sərlövhəli məqalədə "Yol hərəkəti haqqında” Qanunun 27-ci maddəsinə edilmiş əlavə və dəyişiklik haqqında geniş məlumat verilir. Müəllif qeyd edir ki, qanun avqustun 1-dən qüvvəyə minir.Yazıda edilmiş dəyişikliklər haqqında geniş məlumat verilib. Müəllif qeyd edir ki, 2023-cü ili 5 ayında paytaxt da daxil olmaqla respublika yollarında qaydaları pozan 109 motosiklet, 918 moped idarə edən şəxs barəsində inzibati cərimə tətbiq edilib. Bundan əlavə 2022-ci ildə 270 motosiklet, 2 min 491 moped idarə edən şəxs cərimələnib.

“525-ci qəzet” saytında yayımlanan “Daha 53 sakin Laçına qayıdıb” sərlövhəli yazıda Laçına qayıdan sakinlər haqqında məlumat verilib. Müəllif qeyd edir ki, bugünkü köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb. Yazıda qeyd olunur ki, hazırda Laçın şəhərində 180 ailə, yəni 700 nəfərin daimi məskunlaşması təmin edilib.

“525-ci qəzet” saytında yayımlanan “Bərdə-Ağdam avtomobil yolunun tikintisi işlərinin 88 %-i icra olunub” sərlövhəli yazıda Bərdə-Ağdam yolu barədə məlumat verilib. Müəllif qeyd edir ki, Bərdə-Ağdam avtomobil yolunun 25 və 40-cı km-lik hissəsində 91.3 və 18.2 metr uzunluğa malik avtomobil körpülərin, yolun 14 və 42-ci km-lik hissəsində 66 və 43 metr uzunluğa malik yol qovşaqlarının və yolun 4, 14 və 16 km-lik hissələrində nəzərdə tutulan yerüstü piyada keçidlərinin tikintisi uğurla icra olunaraq tamamlanıb.

Müəllif qeyd edib ki,yolun 29-cu km-də də “Pit stop” (Dayan Dincəl) məntəqəsinin yerləşəcəyi ərazidə tikinti işləri isə davam edir. Bundan əlavə yazıda bu haqda geniş məlumat verilib.

“Amerikanın səsi” saytında yayımlanan “Siyasi məhbusların yeni siyahısına 204 nəfərin adı daxil edilib” sərlövhəli məqalədə siyasi məhbusların sayı və onlar haqqında məlumat verilib. Müəllif qeyd edib ki,İnsan haqları strukturunun əvvəlki siyahısı aprelin 20-də açıqlanıb və bu siyahıya 182 nəfərin adı daxil edilib. Müəllif onların arasında müxalif siyasətçi və iqtisadçı, Azərbaycan Demokratiya və Rifah Partiyasının sədri Qubad İbadoğlu, sabiq deputat, ictimai xadim və iş adamı Nazim Bəydəmirli, AXCP üzvü Elxan Əliyevin də olduğunu vurğulayıb. 204 siyasi məhbus 7 qrupa bölünür. Bu qruplar haqqında yazıda geniş məlumat verilib.

Sosial media

Azadlıqradiosu

Cənubi Qafqazda ən çox pul yığan Ermənistanın əhalisidir. Bəs siz aylıq nə qədər pul yığa bilirsiniz?- Araşdırma materialında  xərclərindən əlavə saxlanc pul yığan əhalinin göstəriciləri qeyd olunub. Materialda Azərbaycanda bu göstəricinin Ermənistana nisbətən aşağı olduğu qeyd olunub.

MeydanTV

Hesabat: Azərbaycanda son 7 ayda ən azı 45 hərbçinin həyatını itirdiyi qeyd olunub- Yazıda İyulun 30-da Xəzər Hərbi Tədqiqatlar İnstitutu Azərbaycanın Təhlükəsizlik və Müdafiə sektoru ilə bağlı yaydığı hesabatdan danışılıb. Müəllif qeyd edir ki, “Onlardan 9 nəfəri döyüş (Ermənistan ordusunun gülləsindən və mina partlayışı), 36 nəfəri isə qeyri-döyüş itkiləridir. 4 nəfər yol-nəqliyyat hadisələrindən və ya müxtəlif avtoqəzalardan, 9 nəfər müxtəlif xəstəliklərdən, 1 nəfər qeyri-nizamnamə hadisələrindən, 2 nəfər silahlı basqından, 1 nəfər ehtiyatsızlıqdan, 3 nəfər isə bədbəxt hadisədən vəfat edib”.

İyul ayının 30-da Dövlət Sərhəd Xidmətinin əsgəri vəfat edib.- Yazıda əsgərin sərhəd naryadı xidmətindən qayıdarkən səhhəti qəflətən pisləşdiyi qeyd olunub. Müəllif faktla bağlı Hərbi Prokurorluq əməkdaşları ilə birlikdə araşdırma aparıldığını qeyd edib.