Media-monitorinq 26.02.16

Xocalı faciəsi bugünki ölkə mediasının aparıcı mövzusudur. Bununla yanaşı, müstəqil media ölkə həyatının probemlərini, sosial məsələləri və dövətlərarası münasibətləri də gündəmdə saxlayır.

Rəsmi qəzetlər Xocalı faciəsinin 24-cü ildönümü ilə bağlı yazılara geniş yer veriblər. “Xocalı soyqırımı Azərbaycan Respublikasının Dağlıq Qarabağ bölgəsini zəbt etmək məqsədilə Ermənistan Respublikasının apardığı işğalçılıq müharibəsinin gedişində dinc azərbaycanlı əhaliyə qarşı törədilmiş soyqırım cinayətlərinin miqyasına görə ən dəhşətlisidir”, deyə “Azərbaycan” qzəeti qeyd edir.

Neft ixrac edən ölkələrdəki banklar qısamüddətli dövrdə kredit risklərinə ən açıq banklardır. “Azadlıq” qəzeti bunu “Moodys” beynəlxalq kredit agentliyinə isnadən bildirir.

Agentlik neft qiymətlərində dərinləşən geriləmənin qlobal olaraq banklar üzərində təzyiqi artırdığını, xüsusilə də, neft ixracatçısı ölkələrdəki bankların qısa müddətdə kredit risklərinə ən açıq banklar olduğunu nəzərə çatdırır.

“Marja” xəbər verir ki, düşən neft qiymətlərinin banklar üçün ortaya çıxardığı kredit risklərinə dair yeni hesabat dərc edən Moody’s, orta müddətdə qiymətlərdə toparlanmanın çox yavaş şəkildə gerçəkləşməsi istiqamətində bir risk olduğunu qeyd edib. Eyni zamanda, qiymətlərin daha da aşağı düşməsi riski olduğunu vurğulayıb.

“Moody’s” neft ixrac edən ölkələrdə banklar üçün kredit risklərinin, aşağı neft qiymətlərinin aktivlərin keyfiyyəti üçün pisləşmə potensialını artırmasına birbaşa və ya dolayı məruz qalma mövqelərinə görə artacağını vurğulayıb.

Moody’s-in meneceri Federiko Drevon etdiyi şərhdə, “Neft qiymətlərinin uzun müddət aşağı qalacağına inanırıq və neft ixrac edən ölkələrdə bankların risklərin artdığını görmələrini gözləyirik”, deyə bildirib.

Azərbaycan vətəndaşlarının xaricə ən çox turist səfərləri böyük neft pullrının ölkəyə daxil olduğu dövrə təsadüf edir, deyə “Exo” qəzeti ölkə vətəndaşlarının xaricə turist səfərləri məsələsi ətrafında durumu araşdırır.

İqtisadi və Sosial İnkişaf Mərkəzinin rəhbəri Vüqar Bayramova görə. 2007-2014-cü illər ölkə vətəndaşlarının xaricə ən çox istirahətə getdikləri dövrdür. “2007-ci ildə bu rəqəm 1 milyon 631 min nəfər təşkil etməklə 2014-cü ildə zirvə həddi olan 4 milyon 282 min nəfərə çatıb. 2015-ci ildən isə say 10%-ə qədər azalıb. 2015-ci ildə istirahətə gedənlərin sayı 3 milyon 700 min nəfər olub. Azalma 2016-cı ildə də davam edəcək, səfərlərdə vətəndaşların məsrəfləri hər il 1.5 milyard dollar təşkil edib”, deyə V.Bayramov bildirir. Onun sözlərinə görə, məsrəflər aviabiletlərin alınmasına, otellərdə yerlərin saxlanmasına, qidalanmaya, ucuz alverə sərf edilib.

“Ermənistan Rusiyanın müttəfiqidir. Bu ölkə ilə hərbi-texniki sahədə bizim əməkdaşlığımız şəffaf və açıqdır. Hesab edirik ki, Rusiya Azərbaycana və Ermənistana silah və texnika satmaqla regionda güc balansını nəzərdə tutur”. “Novoye Vremya” qəzeti bu sitatı RF XİN rəsmisi Mariya Zaxarovadan gətirir. RF XİN rəsmisi Rusiyanın Ermənistana silah satışını bu mövqedən izah edir.

Digər tərfdən isə, M.Zaxarova bu məsələ ilə bağlı Azərbaycanın Rusiyaya nota verməsini Rusiya və Ermənistanın daxili işlərinə qarışmaq kimi qiymətləndirmədiyini bildirir. “Deməzdim ki, bu, ölkənin daxili işlərinə qarışmaqdır. Hər bir dövlət qonşu dövlətlərin atdıqları addımla maraqlanmaq hüququna malikdir. Bizim Ermənistanla hərbi-texniki sahədə əməkdaşlığımız şəffaf və açıqdır. Biz bu haqda Azərbaycan tərəfi diplomatik kanallar vasitəsilə məlumatlandırırıq”, deyə M.Zaxarova qeyd edib.

“Bizim Yol” qəzeti  Meliorasiya və Su Təsərrüfatı ASC-də 164 milyon manat dövlət vəsaitinin talandığını bildirir. Qurumun dövlət vəsaitlərini hər il eyni şirkətlərə “zərgər dəqiqliyi” ilə ötürdüyünü bildirir.

Qəzet yazır ki, ASC-nin 23 qolundan biri ildə 33 miyon manatlıq avtomobil, inventar, maşın-mexanizm aldığını nəzərə çatdırır. Bütün mənimsəmələr tender adı altında edilir və 6 rəqəmli məbləğlər təşkil edir.

“Yeni Müsavat” qəzeti Vaşinqtonda iqtidarla şok müzakirələr getdiyini bildirir. Qəzet Qərb diplomatik mənbələrinə isnadən artıq bir neçə həftədir ki, Amerika və Azərbaycan nümayəndələri arasında mütəmadi görüşlər keçirildiyini iddia edir. Qəzet yazır ki, Vaşinqton həbsdə olan siyasi məhbusların azad olunmasını, Milli Demokratiya və ABŞ Respublikaçılar İnstitutunun Bakıda fəaliyyətinin bərpa edilməsini istəyir.

Qəzet Azərbaycan tərəfin bu təklifləri hələ ki, müzakirə etdiyini deyir. Amma vaxt məhdudiyyəti olmasını da xatırladır. “Ağ Ev dövlət başçısı İlham Əliyevin Nyu-York səfərinə qədər qəti qərar verməsini gözləyir”, deyə qəzet durumun mahiyyətini anladır.

Qəzet mənbələrə isnadən qeyd edir ki, Nyu-York görüşündə iki dövlət başçısı arasında özəl görüş olmasa, bu, tərəflərin razılıq əldə edə bilməməsi anlamına gələcək.