Açiq mənbələrdən foto.
Medianın İnkişafı Agentliyinin peşə etikası tövsiyələri və real durum
Bakı/25.04.22/Turamn: Azərbaycan Medianın İnkişafı Agentliyi ölkənin media subyektlərinə "Redaksiya siyasəti və peşə etikası qaydaları" adlı sənəd hazırlamağı, redaksiya kollektivini bu sənədlə tanış etməyi və internet saytlarında yerləşdirməyi tövsiyə edir.
Bu barədə Medianın İnkişafı Agentliyinin icraçı direktoru Əhməd İsayevin imzası ilə media subyektlərinin rəhbərlərinə göndərilən məktubda deyilir.
Məktuba "Redaksiya siyasəti və peşə etikası qaydaları" adlı sənədin nümunə layihəsi əlavə edilib.
Sənəd ümumi prinsiplər, xəbər və şərh, xəbər mənbələri ilə iş, təkzib və düzəliş, müəllif hüquqları, sosial mediada jurnalistlərin davranışı, peşə etikası bölmələrindən ibarətdir.
Sənəddə deyilir ki, redaksiya dəqiqlik, obyektivlik, qərəzsizlik və vicdanlılıq prinsipinə sadiq olmalıdır. Faktların və hadisələrin təqdimatında birtərəflilik olmamalıdır. Böhtana, təhqirə və böhtan çıxışlarına yol verilməməlidir. Redaksiya siyasəti heç bir halda dövlətçiliyə, cəmiyyətin milli-mənəvi dəyərlərinə, ümumi əxlaqa və ailə institununun qorunmasına zidd ola bilməz".
Layihənin peşə etikası bölümündə deyilir ki, jurnalist heç bir halda peşə fəaliyyətinə görə hədiyyə qəbul etməməlidir.
"İctimaiyyətə açıq olmayan tədbirlərə dəvəti qəbul etməməlidir. Jurnalist üzərinə peşəkar fəaliyyətinin məhdudlaşdırılmasına yönəlik heç bir öhdəlik götürməməlidir", sənəddə qeyd edilir.
Buna baxmayaraq, yeni sənəd layihəsində redaksiya siyasətinin dövlətçiliyə, cəmiyyətin milli-mənəvi dəyərlərinə, ümumi əxlaqa zidd olmaması kimi anlayışı məlum olmayan müddəalar da yer alıb. Əslində bu müddəalardan illərdir media azadlığının məhdudlaşdırılması, tənqidi jurnalistikanın susdurulması üçün istifadə edilir.
Maraqlı cəhətlərdən bir də budur ki, Azərbaycan Mətbuat Şurası 2003-cü il martın 15-də ATƏT və Mətbuat Şurasının birgə layihəsi əsasında Azərbaycan Jurnalistlərinin Peşə Davranışı Qaydalarını qəbul edib. Bu sənəddə təxminən eyni tövsiyələr var. Buna baxmayaraq, sənəddə göstərilən prinsiplər illərdir yerinə yetirlimir.
Hədiyyələrə gəlincə, bir çox jurnalistlərə dövlət büdcəsi hesdabına tikilən evlərdən mənzillər hədiyyə edilib.
İctimaiyyətə acıq olmayan tədbirlərə isə əsasən rəsmi və hökumətyönümlü media dəvət edilir. -03-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz