Məhkəmə "Demokratik.az" saytının redaktorunu 6,5 il müddətinə azadlıqdan məhrum edib
Cümə axşamı Gəncə Ağır Cinayətlər Məhkəməsi rüşvət tələb etməkdə ittiham olunan "Demokratik.az" saytının redaktoru Osman Nərimanoğlu (Rzayev) barəsində hökm çıxarıb.
Dövlət ittihamçısı onun 8 il müddətinə azadlıqdan məhrum edilməsini istəyib, bu barədə Turan-a jurnalistin həyat yoldaşı Arzu Rzayeva bildirib.
Onun sözlərinə görə, "Osman nəşrlərinə və məmurlar arasında korrupsiya faktlarını ifşa etdiyini görə cəzalandırılması məqsədilə ittihamların saxtalaşdırıldığını bildirib".
Müdafiə tərəfi Rzayevin təqsiri sübuta yetirilmədiyinə görə ona bəraət verilməsini istəyib. Bununla belə, məhkəmə redaktora 6,5 il müddətinə həbs verib.
Müdafiə tərəfi apellyasiya şikayəti vermək niyyətindədir.
Osman Nərimanoğlu 5 iyul 2022-ci il tarixində rüşvət tələb etmək ittihamı ilə həbs olunub. O, həbsindən sonra bildirib ki, ittihamlar uydurmadır, saytda korrupsiya faktları ilə bağlı məlumatlar dərc olunan Goranboy və Göygöl rayonunun Meliorasiya İdarəsinin məmurları və həkimləri tərəfindən ona böhtan atılıb. Hüquq müdafiəçiləri Osman Nərimanoğlunu siyasi məhbus kimi tanıyıb.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz