Bakı/05.03.22/Turan: Nərimanov Rayon Məhkəməsi Elşən Abbasovun barəsində 4 ay müddətinə həbs qətimkan tədbiri seçib. Bu barədə Turan-a onun vəkili Neymət Kərimli bildirib.
Abbasova CM-nin 234.4.3 (külli miqdarda narkotik vasitələrin qanunsuz dövriyyəsi) maddəsilə ittiham irəli sürülüb. Bu maddəyə əsasən, onu 5 ildən 12 ilədək həbs cəzası gözlə bilər.—03B06-
* * *
2022 Mart 05 (Şəmbə) 13:41:06
Elşən Abbasova narkotik maddələrin qanunsuz dövriyyəsi ittihamı irəli sürülüb /YENİLƏNİB/
“Müsəlman Birliyi” Hərəkatının üzvü Elşən Abbasova külli miqdarda narkotik vasitənin qanunsuz dövriyyəsi ittihamı irəli sürülüb. O, barəsində həbs qətimkan tədbirinin seçilməsi üçün məhkəməyə çıxarılacaq.-0-
* * *
2022 Mart 05 (Şəmbə) 12:35:34
“Müsəlman Birliyi” Hərəkatının üzvü Elşən Abbasov saxlanılıb
Bakı/05.03.22/Turan: Martın 3-də “Müsəlman Birliyi” Hərəkatının üzvü Elşən Abbasov saxlanılıb və ikinci gündür ki, yaxınları fəalın təqib olunmasının səbəblərini bilmirlər. Bu barədə Turan-a hərəkat fəalları məlumat veriblər.
Abbasov martın 3-də saat 17:30-a yaxın iş yerinin yaxınlığında mülki geyimli şəxslər tərəfindən saxlanılaraq naməlum istiqamətə aparılıb.
Yaxınlarının sözlərinə görə, ancaq bu gün onlar Abbasovun Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində saxlandığını öyrənə biliblər. Lakin saxlanılan şəxsin ailə üzvlərinə telefon etməsinə imkan verilmir, ailəyə saxlanma səbəbləri açıqlanmır.
Vətəndaş cəmiyyəti fəallarının sözlərinə görə, Abbasov bundan öncə də dindarların hüquqlarını müdafiə etdiyinə görə iki dəfə mühakimə olunub. Belə ki, 2012-ci ilin oktyabrında məktəblərdə hicab qadağasına etiraz aksiyasında iştirak etdiyinə görə bir il müddətinə həbs edilib.
2017-ci ildə Abbasov qanunsuz narkotik maddə və silah saxlamaqla bağlı uydurma ittihamla həbs olunub və 2,5 il müddətinə azadlıqdan məhrum edilib.
Fəallar bildiriblər ki, əksinə, Abbasov gənclər arasında narkotik vasitələrin yayılmasına qarşı maarifləndirmə işi aparır, Quran kursları təşkil edir.
Daxili İşlər Nazirliyinin mətbuat xidmətindən şərh almaq mümkün olmayıb.—06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz