Fikrət Hüseynli
Bakı/17.03.18/Turan: Martın 16-da Kiyevin Piçerski Rayon Məhkəməsi azərbaycanlı jurnalist Fikrət Hüseynlinin aprelin 2-dək Kiyevdə qalması barədə qərar qəbul edib. Məhkəmə iclası martın 16-da saat 22:00-da başlayıb və martın 17-də saat 1-ə işləmiş başa çatıb. Bu barədə Turan-a F.Hüseynli bildirib.
Bundan öncəki məhkəmə qərarına görə, F. Hüseynlinin Kiyevdə qalma müddəti martın 19-da başa çatmalı idi. Kiyev Vilayət Prokurorluğu isə sənədlərinin yoxlanılması üçün F.Hüseynlinin əlavə olaraq daha iki ay Kiyevdə qalması barədə məhkəməyə müraciət edib.
"Mən və vəkilim Ukrayna prokurorluğunun qanunsuzluqalrı barədə fikirlərimizi məhkəmənin diqqətinə çatdırdıq. Dedim ki, 6 ay öncədən dərhal azad olunmalı idim. Çünki beynəlxalq konvensiyalara görə bir ölkədə siyasi qaçqınlıq almısansa, o, bütün ölkələr üçün keçərlidir. Amma 6 aydır ki, Kiyev Vilayət Prokurorluğu bunu qəbul etmək istəmir.
Həmçinin məhkəmənin diqqətinə çatdırdıq ki, mənim adım 13 noyabr 2017-ci ildən İnterpolun axtarış sistemindən çıxarılıb. Buna görə saxlanılmağım və ekstradisiya yoxlamasının davam etdirilməsi qanunsuzdur. Bundan əlavə, Cenevrə Konvensiyası öz ölkəsindən qaçmış şəxslərin başqa dövlətin himayəsinə qəbul edildiyi halda üçüncü ölkənin onu saxlayıb yenidən həmin ölkəyə qaytarmasını qadağan edir. Həm də məni axtarışda olduğum deyil, başqa ittihamla həbs etmişdilər. İndi isə Azərbaycan tərəfindən mənə qarşı sırf siyasi cinayətlərlə bağlı ittihamlar səsləndirilir", - F.Hüseynli bildirib.
Məhkəmədə Niderland Krallığının Kiyevdəki konsulu da çıxış edib. "Konsul mənim siyasi qaçqın olduğumu, Niderland Krallığının sona qədər məni müdafiə edəcəyini, Niderlandda yaşadığım müddətcə heç bir qanun pozuntusuna yol vermədiyimi, qısa müddətdə vətəndaşı olduğum ölkəyə qayıtmağımın təmin olunmasını məhkəmənin diqqətinə çatdırdı", - jurnalist vurğulayıb. Məhkəmə ekstradisiya yoxlamasının başa çatdrılması üçün prokurorluğa aprelin 2-dək vaxt verib.-06d-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz