İkram Rəhimov
Bakı/27.11.18/Turan: Səbayel Rayon Məhkəməsi realliq.info saytının redaktoru İkram Rəhimovun ev dustaqlığına buraxılması barədə vəsatəti təmin etməyib. Bu barədə Turan-a onun yaxınları bildiriblər.
Onların sözlərinə görə, proses zamanı İ.Rəhimov bildirib ki, heç bir cinayət törətməyib, istintaqdan yayınmaq niyyəti yoxdur. O, məhkəmədən ev dustaqlığına buraxılmasını xahiş edib.
İ.Rəhimov deyib ki, barəsində heç bir istintaq hərəkəti aparılmayıb.
İ.Rəhimovun yaxınlarının sözlərinə görə, məhkəmənin qərarından apellyasiya instansiyasına şikayət veriləcək.
Bundan öncə Dövlət Təhlükəsizliyi Xidməti (DTX) bildirmişdi ki, İ.Rəhimovun jurnalist adı altında vətəndaşları onların barəsində gözdən salacaq materiallar dərc etməklə hədələyərək pul etməsi ilə bağlı çoxsaylı şikayətlər araşdırılıb. Məhkəmə qərarı əsasında keçirilmiş operativ tədbirlər nəticəsində İ.Rəhimovun çoxsaylı cinayətkar hərəkəti öz təsdiqini tapıb, DTX bildirib.
İkram Rəhimov CM-in 182.2.1-ci və 182.2.2-ci (hədə-qorxu ilə tələb etmə) maddələri ilə həbs olunub. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz