Bu gün Şəki Apellyasiya Məhkəməsi REAL Hərəkatının lideri İlqar Məmmədovun və Müsavat Partiyası sədrinin müavini Tofiq Yaqublunun işinə təkrar baxılmasının yekunları üzrə qərarını açıqlayıb. Məhkəmə birinci instansiya məhkəmənin qərarını qüvvədə saxlayaraq İ.Məmmədovu azad etməkdən imtina edib.
Vəkil Fuad Ağayev məhkəmənin qərarını şərh edərkən onu ədalətsiz və əsassız adlandırıb. “Məhkəmənin ədalətsiz və qərəzli olması göz önündədir. Bugünkü qərarı ancaq belə xarakterizə etmək olar”, - o, jurnalistlərə bildirib.
Onun sözlərinə görə, İ.Məmmədovun və T.Yaqublunun olduğu yerdə iğtişaşların olmadığını sübut edən videokadrlar bir daha nümayiş etdirilib. Bundan əlavə, İcra Hakimiyyətinin nümayəndələri öz müsahibələrində təsdiqləyiblər ki, vəziyyət sakitdir, heç nə baş vermir. Bu ifadələr onların iğtişaşlarda iştirak etmədiyini göstərir.
Xatırladaq ki, İ.Məmmədov və T.Yaqublu 2013-cü ilin yanvarında İsmayıllıda kütləvi iğtişasların təşkilində ittiham olunaraq 7 və 5 il müddətinə azadlıqdan məhrum ediliblər. 2015-ci il oktyabrın 13-də Ali Məhkəmə kassasiya şikayətinə baxaraq işi təkrar baxılmaq üçün Şəki Apellyasiya Məhkəməsinə göndərib. Bundan sonra işə baxılması bir neçə dəfə təxirə salınıb. T.Yaqublu 17 mart tarixli əfv fərmanı ilə azadlığa buraxılıb.
“Beynəlxalq amnistiya” təşkilatı onları “vicdan məhbusu” kimi tanıyıb.
Avropa İnsan Hüquqları Məhkəməsi hər iki müxalifətçinin həbsini qanunsuz hesab edib. Lakin Azərbaycan hakimiyyəti bu qərara məhəl qoymayaraq İ.Məmmədovu həbsdən azad etməyib.-06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz