Məhkəmə jurnalistə qarşı iddianı təmin etməyib, başlığın dəyişdirilməsini qərara alıb
Bakı/05.08.19/Turan: Bazar ertəsi hakim Emil Əliyevin sədrliyi ilə Binəqədi Rayon Məhkəməsi 251 saylı məktəbin direktor müavini Elmira Alandarovanın jurnalist Sevinc Vaqifqızına qarşı iddiasını qismən təmin edib.
E.Alandarova S.Vaqifqızına qarşı iddia qaldıraraq onun üzr istəməsini, 2500 manat məbləğində kompensasiya ödəməsini və 2018-ci il 11 aprel prezident seçkiləri haqda videosüjetin çıxarılmasını tələb edib.
İddiaya 251 saylı məktəbdə üç seçki məntəqəsində səsvermə ilə bağlı "Meydan" TV-də yayımlanan "Seçkilər-2018: seçkilərdə "karusel"ə nəzarət edən direktor müavini" adlı material səbəb olub.
Süjetdə göstərilib ki, E.Alandarova səsvermə günü bir qrup müəllimi məktəbə göndərir.
Hakim qərar çıxarmadan öncə tərəflərə barışıq təklif edib. E. Alandarovanın nümayəndəsi, həyat yoldaşı Rasət Qasımov deyib ki, əvvəlki prosesdə o, S.Vaqifqızına və nişanlısına xoşbəxtlik arzulasa da, onlar üzr istəməyiblər.
Hakim R. Qasımova sual verib ki, həyat yoldaşı seçki komissiyanın üzvü olmadığı halda niyə seçki günü məktəbdə olub? R. Qasımov deyib ki, Nizami Rayon İcra Hakimiyyətindən zəng edib həyat yoldaşını məktəbə çağırıblar.
Öz növbəsində jurnalistin vəkili Zibeydə Sadıqova diqqəti ona yönəldib ki, İcra Hakimiyyətinin seçki prosesinə müdaxiləsi qanunsuzdur.
R. Qasımov qarşı tərəfin üzr istəməsinə, kompensasiya ödəməsinə və videonun silinməsinə israr edib. Lakin hakim onun vəsatətini təmin etməyib.
Sonda hakim yalnız videonun başlığının dəyişdirilməsi barədə qərar qəbul edib.
S.Vaqifqızı hesab edir ki, başlıq videonun mahiyyətini əks etdirir. Odur ki, apellyasıya şikayəti vermək niyyətindədir. -16/06D--
-
- Cəmiyyət
- 5 Avqust 2019 16:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz