Bu gün Bakı Apellyasiya Məhkəməsi jurnalist Rasim Əliyevin ölümü ilə əlaqəsi olan futbolçu Cavid Hüseynovu azad edib.
Apellyasiya Məhkəməsi futbolçunun həbsdə keçirdiyi vaxtı cəza müddəti kimi hesablayıb və onu qalan cəzadan azad edib, bu barədə Turan-a onun vəkili Adəm Məmmədov bildirib.
Hüseynov 2015-ci ilin avqustunda ona məlum olan cinayət barədə məlumat verməmək ittihamı ilə həbs edilib. Söhbət jurnalist Əliyevin facebook-da Hüseynovu tənqid etdiyinə görə onun qohumu və bir qrup digər şəxs tərəfindən amansızca döyülməsindən gedir.
Əliyevin döyülməsində iştirak edən beş nəfər uzunmüddətli azadlıqdan məhrumetmə cəzalarına məhkum edilib. Hüseynovun işi isə ayrı icraata ayrılıb və o, iyunda 4 il azadlıqdan məhrumetmə cəzasına məhkum edilib.
Jurnalistin atası Məmmədəli Əliyev məhkəmənin qərarını “ağlasığmaz” adlandırıb. “Biz Cavid Hüseynovun “məlumat verməməyə” görə həbs edilməsi ilə razı deyildik. O, cinayətin təşkilatçısı idi. O, oğlumuzun qatilidir”, deyə Əliyev bildirib.
M.Əliyevin sözlərinə görə, jurnalistin doğmaları Hüseynovla barışmayacaq. M.Əliyev qeyd edib ki, Hüseynovun əmisi mayın 27-də barışıq xahişi ilə gəlib. O qeyd edib ki, vəkillərlə məsləhətləşmələrdən sonra müvafiq addımları atacaq.
Hüseynov isə irəli sürülmüş ittihamla özünü təqsirli bilməyib və jurnalistin qətlində əli olduğunu ümumiyyətlə təkzib edib. -16B-
Cəmiyyət
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
-
Sentyabrın 18-də Bakıda və Abşeron yarımadasında hava tutqun olacaq, bəzi yerlərdə yağış yağacaq. Şimal-qərb küləyi əsəcək, xəbəri Milli Hidrometeorologiya Xidməti yayıb.
-
Qalib komanda Azərbaycanı ABŞ-də təmsil edəcək Bu il Azərbaycan ilk dəfə olaraq startaplar üzrə ən nüfuzlu dünya çempionatı hesab edilən “Startup World Cup”ın regional tədbirinə ev sahibliyi edəcək. Tədbir ölkənin lider mobil operatoru Azercell-in sponsorluğu ilə sentyabr ayının 19-u ADA Universitetində baş tutacaq.
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
Rəy yaz