Məhkəmə Leyla və Arif Yunusların məcburi qaydada məhkəməyə gətirilməsi barədə qərar qəbul edib
Bakı/17.05.17/Turan: Bu gün Bakı Apellyasiya Məhkəməsində Mirpaşa Hüseynovun sədrliyilə hüquq müdafiəçisi Leyla Yunus və onun həyat yoldaşı konfliktoloq Arif Yunusun işi üzrə məhkəmə davam edib.
Onlar 2014-cü ilin yayında yerli və xarici QHT-lərə qarşı təqib kampaniyası çərçivəsində həbs olunublar. 2015-ci ilin avqustunda cütlük uzunmüddətli həbs cəzası alıb. Onlar iqtisadi cinayətlərdə təqsirləndirilib.
Beynəlxalq təşkilatların etirazından sonra 2015-ci ilin dekabrında real həbs müddəti şərti cəza ilə əvəzlənib və onlar həbsdən buraxılıblar.
2016-cı ilin aprelində müalicə üçün xaricə gediblər.
Leyla və Arif Yunusların Ali Məhkəmədə kassasiya şiyakətinə baxılması dəfələrlə təxirə salınıb. Nəhayət, dekabrın 27-də Ali Məhkəmə təkrar baxılmaq üçün işi Bakı Apellyasiya Məhkəməsinə göndərib.
İşə təkrar baxılması aprelin 19-da başlamalıydı, ancaq dövlət ittihamçısının vəsatəti ilə məhkəmə təkrar məhkəmə istintaqının aparılması barədə qərar qəbul edib. Prokuror Yunusların şəxsən iştirakına təkid edib.
Vəkil Elçin Sadıqov bugünkü məhkəmə iclasında bildirib ki, Leyla və Arif Yunuslar xaricdə uzunmüddətli müalicə alır. Vəkil onların ya skype, ya da Facebook vasitəsilə dindirilməsi barədə vəsatət qaldırıb.
Ancaq məhkəmə vəsatəti təmin etməyib və onların məcburi qaydada gətirilməsi barədə qərar qəbul edib. Növbəti iclas mayın 31-i saat 12:00-a təyin edilib.
Polisə cütlüyün gətirilməsinin təmin edilməsi tapşırılacaq. Növbəti addım isə onların barəsində beynəlxalq axtarış olacaq, vəkil bildirib. O, məcburi qaydada gətirilmə ilə bağlı qərarı qanunsuz adlandırıb.
Vəkil bildirib ki, Leyla və Arif Yunuslara qarşı apellyasiya şikayəti və ya etiraz olmayıb, təkrar məhkəmənin keçirilməsi əsassızdır.
Kassasiya şikayətini onlar özləri veriblər, odur ki, onların cəzasının ağırlaşdırılması və ya hüquqi vəziyyətinin pisləşdirilməsi yolverilməzdir, vəkil qeyd edib.
"Görünür, işin Apellyasiya Məhkəməsinə qaytarılması barədə Ali Məhkəmənin qərarında məqsəd onların barəsində beynəlxaq axtarışın elan edilməsi olub", - E.Sadıqov hesab edir.-06D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz