Мехман Гусейнов
Bakı/24.08.18/Turan: Bu gün Qaradağ Rayon Məhkəməsinin 14 saylı koloniyadakı səyyar iclasında bloger Mehman Hüseynovun cəzasının yarıdan çoxunu çəkməsilə əlaqədar vaxtından əvvəl şərti azadlığa buraxılması barədə müraciətinə baxılıb.
Məhkəmə müraciəti təmin etməyib. Bu barədə jurnalistlərə blogerin vəkili Şəhla Hümbətova bildirib.
Onun sözlərinə görə, koloniya administrasiyası məhkəməyə M.Hüseynovun barəsində mənfi xasiyyətnamə təqdim edib, blogerin "islah olunmadığını" bildirib.
Onu koloniya "əməkdaşlarına qarşı qeyri-səmimi münasibətdə, əməyə mənfi münsibətdə, abadlıq işlərində və mədəni tədbirlərdə iştirak etməməkdə ittiham ediblər".
M.Hüseynov bildirib ki, onun məsələsi məhkəmədə həll olunmur və əmin idi ki, onu azad etməyəcəklər. "Bunu koloniya rəisi, ya da hakim həll etmir", - M.Hüseynov vurğulayıb.
O qeyd edib ki, koloniyada minlərlə məhbusun iştirakı ilə mədəni tədbirlərin keçirilməsi üçün yer yoxdur.
Müdafiə tərəfi məhkəmənin qərarı ilə razı deyil. Vəkil deyib ki, M.Hüseynov 1,5 il ərzində inzibati cəza və irad almayıb. Müdafiə tərəfi apellyasiya verəcək.
*Bloger, Reportyorların Azadlıq və Təhlükəsizlik İnstitutunun nümayəndəsi Mehman Hüseynov 2017-ci ilin martında Nəsimi Rayon Polis İdarəsinin rəisi Musa Musayevin ona qarşı iddiası əsasında böhtan ittihamı ilə 2 il azadlıqdan məhrum edilib.
İddiaya M.Hüseynovun ötən ilin yanvarında həmin idarədə işgəncələrə məruz qalması barədə bəyanatı səbəb olub.
Lakin hüquq müdafiəçilərinin fikrincə, M.Hüseynova qarşı təqiblərin əsl səbəbi Azərbaycan hökuməti və parlament üzvlərinin dəbdəbəli villaları haqda videoreportajlarıdır.
Amnesty International təşkilatı M.Hüseynovu "vicdan məhbusu" kimi tanıyıb.-06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz