Azərbaycan Ali Məhkəməsi Əli Seyfəliyevin sədrliyi ilə mayın 4-də Xalq Cəbhəsi Partiyasının Məclis üzvü Asif Yusiflinin kassasiya şikayətinə baxıb.
Xatırladaq ki, Yusifli 2014-cü il noyabrın 25-də fırıldaqçılıq (178-ci maddə) və sənədlərin saxtalaşdırılması (320-ci maddə) ittihamı ilə saxlanılıb. İş üzrə zərərçəkmiş Fəridə Zülfüqarova Təhsil Nazirliyinin əməkdaşı Rafiq Hüseynova verməsi üçün Yusifliyə 6500 manat verib.
Sonuncu bu rüşvət müqabilində Zülfüqarovanın oğlunun Ukraynada ali məktəbdə təhsilini təşkil etməyi vəd edib. Lakin sövdələşmə pozulub və Hüseynov pulu qadına qaytarmayıb.
Məhkəmə prosesi zamanı o etiraf edib ki, pulu alıb və Yusiflinin burada təqsiri yoxdur. Zülfüqarova da ziyanın ona ödənilməsi ilə əlaqədar şikayətdən imtina edib. Lakin 30 iyul 2015-ci il tarixində məhkəmə Yusiflini fırıldaqçılıqda və sənədləri saxtalaşdırmaqda təqsirli bilib və 7,5 il müddətinə azadlıqdan məhrumetmə cəzasına məhkum edib. Sonradan apellyasiya məhkəməsi bu hökmü qüvvədə saxlayıb.
Vəkil Fəxrəddin Mehdiyev bu gün Ali Məhkəmədən Yusifliyə bəraət verilməsini xahiş edib, belə ki, onun təqsiri sübuta yetirilməyib. O, həmçinin şikayətçinin Yusifliyə qarşı iddialarından imtina etdiyinə diqqət çəkib. Bu zaman vəkil qeyd edib ki, Yusifli ittihamı təkzib edir və siyasi motivli hesab edir.
Müdafiə tərəfi həmçinin Yusiflinin azad edilməsini nəzərdə tutan istənilən başqa qərarın da məqbul olacağını qeyd edib.
O, Yusiflinin himayəsində iki azyaşlı uşaq olduğu, onlardan birinin ağır formalı diabet xəstəliyindən əziyyət çəkdiyi faktını nəzərə almağı xahiş edib. Vəkil həmçinin Yusiflinin Qarabağ müharibəsi əlili olduğunu nəzərə almağı xahiş edib.
Lakin Ali Məhkəmə cəza müddətini 1,5 il azaldaraq, 6 il azadlıqdan məhrumetməyə qədər azaldıb. Vəkil bildirib ki, bu qərardan Ali Məhkəmənin Plenumuna və Strasburq Məhkəməsinə şikayət veriləcək.
AXCP lideri Əli Kərimli məhkəmənin qərarını “hakimiyyətin Qarabağ müharibəsi iştirakçılarına əsl münasibətinin” göstəricisi adlandırıb. -C06-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz