Məhkəmə Rafiq Tağının qətli üzrə işin istintaqının dayandırılması qərarından şikayəti təmin etməyib

Mayın 15-də Bakı Apellyasiya Məhkəməsi yazıçı-publisist Rafiq Tağının qətli üzrə aparılan istintaqın dayandırılması qərarından şikayəti təmin etməyib.

Rafiq Tağı 2011-ci il noyabrın 19-da Bakıda bıçaqlanıb. Noyabrın 23-də aldığı xəsarətlərdən vəfat edib.

Fakt üzrə CM-in 126.1 maddəsi (qəsdən sağlamlığa ağır bədən xəsarəti vurma) ilə cinayət işi qaldıırlıb. R.Tağının ölümündən sonra maddə 120.1 maddəsi (qəsdən adam öldürmə) ilə tövsif edilib.

Lakin 2014-cü il yanvarın 8-də Baş Prokurorluq “müttəhim  kimi cəlb edilən adamln şəxsi müəyyən edilmədiyindən” cinayət işi üzrə icraatın dayandırıldığını bildirib.

Öz növbəsində mərhumun ailəsi hesab edir ki, istintaq effektiv aradırma aparmayıb.

İstintaqın dayandırılması barədə qərardan Nəsimi Rayon Məhkəməsinə şikayət verilib və şikayət təmin edilməyib.

Mayın 15-də Bakı Apellyasiya Məhkəməsi bu qərarı qüvvədə saxlayıb. Bu barədə vəkil Elçin Sadıqov bildirib. Onun sözlərinə görə, müdafiə tərəfi Avropa İnsan Hüquqları Məhkəməsinə şikayət verəcək.

Azərbaycan jurnalist təşkilatları, əsasən Media Hüququ İnstitutu, Reportyorların Azadlıq və Təhlükəsizlik İnstitutu dəfələrlə hakimiyyəti jurnalistlərin qətlinə görə cəzasızlığa son qoyulmasına, Rafiq Tagının və”Monitor” jurnalının baş redaktoru Elmar Hüseynovun qətlində günahkar olanların tapılıb cəzalandırılmasına çağırıb. -16B06-