Bakı Apellyasiya Məhkəməsi hüquq müdafiəçisi Rəsul Cəfərovun üzərindən məhkumluğun götürülməsi ilə bağlı şikayətini təmin etməyib. R.Cəfərov Turan-a bildirib ki, məhkumluğun götürülməıməsi onun hüquqlarını, ictimai vəzifə ilə məşğul olmaq, Vəkillər Kollegiyasına üzv seçilmək imkanlarını məhdudlaşdırır.
Bundan öncə Yasamal Rayon Məhkəməsi məhkumluğun götürülməsi barədə xahişi təmin etməyib, ötən gün isə Apellyasiya Məhkəməsi bu qərarı qüvvədə saxlayıb. Hüquq müdafiəçisi onun bank hesabına həbsin davam etməsi və ölkədən giriş-çıxış zamanı hərtərəfli axtarış prosedurunu nəzərə alaraq bu imtinanı təzyiq kimi qiymətləndirir.
Hüquqşünas Samirə Ağayeva hesab edir ki, məhkəmələrin R.Cəfərovun üzərindən məhkumluğu götürməsi üçün əsas olub. Belə ki, Avropa İnsan Hüquqları Məhkəməsi R.Cəfərovun 5-ci maddə üzrə hüquqlarının (azadlıq və şəxsi toxunulmazlıq hüququ) pozulmasını tanıyıb ki, bu da həbsin qanunsuz olması deməkdir. Digər tərəfdən, o əfv edilib ki, bu da bütün cəza formalarını onun üzərindən götürür.
R.Cəfərov “Demokratiya naminə incəsənət” kampaniyasının koordinatoru və İnsan Hüquqları Klubunun rəhbəri olub. 2014-cü il avqustun 2-də qanunsuz sahibkarlıq və vergidən yayınma ittihamı ilə həbs olunub.
2015-ci il aprelin 15-də R.Cəfərov 6,5 il müddətinə həbs olunub. 2016-cı il martım 17-də dövlət başçısının sərəncamı ilə əfv edilib.–06B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz