Салех Рустамов
Məhkəmə Saleh Rüstəmovun və onun qohumlarının əmlakının müsadirə edilməsinə qərar verib
Bakı/01.03.19/Turan: AXCP-nin qanunsuz maliyyələşdirilməsi haqqında iş üzrə hökmdə həbs edilmiş Gədəbəy rayonunun keçmiş icra başçısı Saleh Rüstəmovun qohumlarının da əmlakının müsadirə edilməsinə qərar verib.
Məhkəmə
- Bakı şəhəri, Z.Xəlilov küçəsi 125 ünvanındakı 39 saylı mənzilin,
- S.Rüstəmovun qardaşının həyat yoldaşı Rəsmiyyə Rüstəmovanın adına - Gədəbəy şəhəri, 7C ünvanında ikimərtəbəli qeyri-yaşayış sahəsinin,
- Gədəbəy-Novosaratovka şosesinin kənarında 0.5 ha torpaq sahəsinin,
- S.Rüstəmovun qardaşı Valeh Rüstəmovun adına - Gədəbəy şəhəri, 0.5 ha torpaq sahəsi və üzərində qeyri-yaşayış sahəsinin,
- Gədəbəy şəhəri, S.Vurğun küçəsi, "Köhnə bazar" adlanan ərazidə 70 kvadratmetrlik qeyri-yaşayış sahəsinin,
- Gədəbəy şəhəri, Nizami küçəsi 71 ünvanında fərdi yaşayış evinin,
- Gədəbəy şəhəri, Q.Əhmədli küçəsində 0.6 ha torpaq sahəsinin,
- Gədəbəy şəhərində 0.5 ha torpaq sahəsinin,
- S.Rüstəmovun qardaşının həyat yoldaşı Rüxsarə Rüstəmovanın adına -Gədəbəy rayonu, Qumlu massivində 0.1 ha torpaq sahəsinin,
- Gədəbəy şəhərində 0.2454 ha həyətyanı torpaq sahəsinin,
- S.Rüstəmovun bacısı Yeganə Rüstəmovanın adına - Abşeron rayonu, Novxanı kəndində 0.1 ha, Qobu qəsəbəsində 0.08 ha torpaq sahələrinin,
- S.Rüstəmovun qardaşı Taleh Rüstəmova məxsus - Gədəbəy şəhəri, M.Quliyev 7 ünvanında fərdi yaşayış evinin,
- Bakı şəhəri, Zərdabi prospekti, ev 7, mənzil 13-ün,
- Bakı şəhəri, Xətai rayonu, Vunq Tay küçəsi 11a, mənzil 22-nin müsadirə edilməsi barədə qərar çıxarıb.
Rüstəmovun doğmaları müsadirə edilən əmlak obyektlərinin bu cinayət işi ilə əlaqəsi olmadığını, Rüstəmovun həbsindən çox-çox əvvəl alındığını bildiriblər.
Məhkəmə həmçinin Rüstəmovların atalarından qalan evi də müsadirə edib.
Müdafiə tərəfin nümayəndələri izah ediblər ki, cinayət aləti və ya yeri kimi istifadə olunmuş, yaxud cinayət yolu ilə əldə edilmiş əmlak müsadirə edilə bilər.
İndiki halda söhbət Rüstəmovun təqsirləndirildiyi cinayətlərdən əvvəl əldə edilmiş əmlakdan gedir.
Müdafiə tərəfi hökmü əsassız, qanunsuz hesab edir və ondan şikayət vermək niyyətindədir.
Fevralın 27-də Bakı Ağır Cinayətlər Məhkəməsində "AXCP-nin qanunsuz maliyyələşdirilməsi haqqında" iş üzrə təqsirləndirilən şəxslər barəsində hökm oxunub.
Məhkəmə Gədəbəy rayonunun keçmiş icra başçısı, RF vətəndaşı Saleh Rüstəmovu 7 il üç ay, Azərbaycan Xalq Cəbhəsi Partiyasının Rəyasət Heyətinin üzvü Aqil Məhərrəmovu 4 il, partiyanın Nərimanov təşkilatının rəhbəri Babək Həsənovu 3 il həbs cəzasına məhkum edib.
Rüstəmovun qardaşı oğlu Vidadi Rüstəmli və AXCP Gənclər Komitəsinin məclis sədri Ruslan Nəsirov da üç illik sınaq müddəti olmaqla, 6 il 8 ay müddətinə azadlıqdan məhrum edilib.
Onlar qanunsuz sahibkarlıqda və cinayət yolu ilə əldə edilmiş gəlirləri leqallaşdırmaqda təqsirli biliniblər.
Rüstəmov və Rüstəmli bundan əlavə həm də qanunsuz narkotik dövriyyəsində təqsirli biliniblər.
Bütün müttəhimlər ittihamları təkzib ediblər.
Hüquq müdafiəçiləri onları siyasi məhbus kimi tanıyıb. -06D-
-
- Cəmiyyət
- 1 Mart 2019 13:35
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz