![Ermənilər Füzuli-Cəbrayıl zonasının məskunlaşdırılması barədə planlarını açıqlayıblar](https://turan.az/resized/750/500/resize/media/2019/main/030100017144.jpg)
Ermənilər Füzuli-Cəbrayıl zonasının məskunlaşdırılması barədə planlarını açıqlayıblar
Bakı/01.03.19/Turan: Ötən gün Ermənistan Milli Təhlükəsizlik Xidmətinin direktoru Artur Vanesyan Dağlıq Qarabağa gedib və separatçı rejimin lideri Bako Saakyanla birlikdə cəbhənin cənub hissəsində olub.
Vanesyan Qarabağda olarkən deyib ki, torpaqların Azərbaycana verilməsi barədə fikirlər spekulyasiyadır. Ermənistan KİV-in məlumatna görə, səfərdə məqsəd Araz çayı boyunca ərazidə məskunlaşma məsələsinin müzakirəsi olub.
"Əsasən Araksavan (Hadrutun cənubu) yaşayış məntəqəsinin tikintisi, kənd təsərrüfatının inkişafı və infrastrukturun yaradılması planlaşdırılır. Vanesyanın fikrincə, ərazinin məskunlaşdırılması təhlükəsizliyə əsas zəmanətlərdən biridir.
Guya torpaqların təhvil veriləcəyi, bununla bağlı danışıqların aparılacağı ilə bağlı ayrı-ayrı adamların fikirləri bu məskunlaşma proqramı ilə təkzib edilir. Bununla biz erməni xalqına və dünyaya mesaj göndəririk ki, heş kim torpaqları geri verməyəcək. Əksinə, bizim ərazilərdə öz soydaşlarımız yaşamalı və yaratmalıdır", -"Sputnik Armenia" Vanesyandan sitat gətirib.
Qeyd edək ki, Ermənistanın müdafiə taktikasından hücum taktikasına keçməsi ilə bağlı bu ölkənin müdafiə naziri David Tonoyanın fikirlərindən sonra bu, son günlərin ikinci sensasion bəyanatıdır.
Beləliklə, rəsmi Yerevan dinc nizamlanma, Qarabağ ətrafında rayonların Azərbaycana qaytarılacağı ilə bağlı ümidlərin boş olduğuna işarə edir.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz