![Məhkəmə Turan agentliyinin qaçqınlar üzrə Dövlət Komitəsinə qarşı iddiasını təmin etməyib](https://turan.az/resized/media/2019/main/042400018427-750-500-resize.webp)
Məhkəmə Turan agentliyinin qaçqınlar üzrə Dövlət Komitəsinə qarşı iddiasını təmin etməyib
Bakı/24.04.19/Turan: 1 saylı İnzibati-İqtisadi Məhkəməsi 26 sentyabr 2018-ci il tarixli informasiya sorğusuna cavab verilməməsilə bağlı Turan İnformasiya Agentliyinin Qaçqınlar və Məcburi Köçkünlərin İşləri üzrə Dövlət Komitəsinə qarşı iddiasını təmin etməyib.
Hakim Möminat Hacıbəyova hesab edib ki, Dövlət Komitəsinin cavabı həmin ilin oktyabrında təqdim etməsinə ümumilikdə cavab kimi baxıla bilər.
İddiaçı hesab edir ki, təqdim olunmuş cavab ümumi xarakter daşıyır və konkret suala aydınlıq gətirmir. İnformasiya sorğusunda Azərbaycanın ərazi bütövlüyü uğrunda Qarabağ döyüşlərində həlak olmuş Sumqayıt sakini İmamverdi Zabidovun ailəsinin 1993-cü ildə qaçqınlar tərəfindən zəbt edilmiş evi ilə bağlı məsələnin nə zaman həll olunacağı soruşulub.
2018-ci il dekabrın 13-də birinci məhkəmə iclasında Dövlət Komitəsinin nümayəndəsi problemin həllilə bağlı atılan addımları şifahi formada anlatmağa çalışıb. Lakin hakim M.Hacıbəyova bu dəlilləri yazılı şəkildə agentliyə və növbəti, yəni indiki məhkəmə iclasına təqdim etməyi təklif edib.
Bu gün isə hakim əvvəlki mövqeyinə zidd olaraq məhkəmə iclasına məhəl qoymayan cavabdehin tərəfini tutub.
Agentlik yazılı qərarı aldıqdan sonra bugünkü məhkəmə iclasını mübahisələndirəcək.
Qaçqının torpaqlarının işğalçıdan azad edilməsi uğrunda döyüşlərdə həlak olan Zabidovun ailəsinin evinin qaçqın tərəfindən zəbt edilməsi iə bağlı görünməmiş problem aşağıdakı məqalələrdə işıqlandırılıb:
http://www.turan.az/ext/news/2018/9/free/Social/az/75167.htm
http://www.turan.az/ext/news/2018/10/free/Social/az/75771.htm
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz