Bakı/30.12.18/Turan: Siyasi Məhbusların Vahid Siyahısı üzrə İşçi Qrup hesab edir ki, həbsdəki bloqqer Mehman Hüseynovun işi kimiməsələlərə Avropa İnsan hüquqları Məhkəməsində (AİHM)prioritet qaydada və ölkədaxili müdafiə vasitələri tükəndirilmədən baxılması məsələsi müzakirəyə çıxarılmalıdır.
Bu haqda İşçi Qrupun bu gün, dekabrın 29-da yaydığı açıqlamada vurğulanır. Açıqlama bloqqer Mehman Hüseynova həbsdə yeni cinayət işinin açılması ilə bağlıdır.
İşçi Qrup M.Hüseynova yenidən cinayət işi açılmasını qınayıb.
"Yeni cinayət təqibinin arxasında siyasi motivlər dayanması şübhəsizdir. M.Hüseynova açılmış cinayət işi hökumətin tənqidçilərinə həbslərlə cavab vermək siyasətindən geri çəkilmək niyyətində olmadığının, ifadə azadlığını saya salmadığının növbəti təzühürüdür".
Açıqlamada o da vurğulanır ki, M.Hüseynov həbsdən buraxılmasına az qalmış qurama ittihamla şərlənən yeganə şəxs deyil.
"Hökumət öz tənqidçilərini, siyasi opponentlərini sıradan çıxarmaq, başqalarının gözünü qorxutmaq üçün vaxtaşırı bu iyrənc metoddan istifadə edir", yazılan sənəddə bundan əvvəl jurnalist Eynulla Fətullayevin, AXCP sədrinin müavini Məmməd İbrahimin, keçmiş səhiyyə naziri Əli İnsanovun, habelə hicab məhbusu kimi tanınan bir neçə nəfərin də həbsdən çıxamalarına az qalmış qurama ittihamlarla şərləndiyi vurğulanır.
İşçi Qrup hesab edir ki, Avropa Birliyi, Avropa Şurası, ATƏT, BMT və digər beynəlxalq birliklər Azərbaycanda insan hüquqlarının durumunu təcili müzakirəyə çıxarmalı, üzərinə götürdüyü öhdəlikləri yerinə yetirməsinin vacibliyini daha sərt şəkildə hökumətindən tələb etməlidir.
Siyasi Məhbusların Vahid Siyahısı üzrə İşçi Qrupda əsasən, hüquq müdafiəçiləri, jurnalistlər, hüquqşunaslar təmsil olunurlar. Qrupu keçmiş məhbuslar təsis ediblər.
Bu mürciətə, hələlik, Azərbaycan hökuməti və AİHM təmsilçilərindən münasibət almaq mümkün olmayıb. Amma Azərbaycan rəsmiləri ölkədə insanların tənqidi mövqeyi, siyasi, peşə fəaliyyətinə görə, təqiblərə məruz qalması haqqında deyilənləri qəbul etmirlər.Azərbaycan rəsmiləri tez-tez bəyan edirlər ki, ölkədə bütün fundamental hüquqlar qorunur.Üstəlik, onlar ölkədə siyasi məhbusların olması fikrini də qəbul etmirlər. Onlar deyirlər ki, siyasi məhbus sayılan şəxslər tərətdikləri əmələ görə, məsuliyyətə cəlb ediliblər. Hərçənd, hüquq müdafiəçiləri ölkədə təqribən 150 civarında siyasi məhbusun olduğunu bildirirlər.-06в--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz