Açiq mənbələrdən foto.
Mərkəzi Asiyada yaşayan azərbaycanlılar birbaşa hava əlaqəsinin olmamasından şikayətlənirlər
Bakı/20.09.21/Turan: Azərbaycanla Mərkəzi Asiya ölkələri arasında birbaşa hava əlaqəsinin olmaması bu respublikalardakı həmvətənlərimiz üçün problemə çevrilib.
Qazaxıstanda yaşayan Eyvaz Xalidov Turan-a məktubla müraciət edərək bildirib ki, 2020-ci ilin martından Qazaxıstan, Özbəkistan, Qırğızıstan və Türkmənistanda böyük diasporu təmsil edən azərbaycanlılar Azərbaycana birbaşa gələ bilmirlər.
"Mən özüm Qazaxıstanda diasporu təmsil edirəm. Bu ölkədə təxminən 200 min azərbaycanlı, Nur-Sultan şəhərində bir səfirlik, Aktau şəhərində bir baş konsulluq və Almatı şəhərində bir diplomatik nümayəndəlik var. Vaxt olub ki, Bakıdan Qazaxıstanın dörd şəhərinə - Atırau, Aktau, Almatı və Nur-Sultan şəhərlərinə birbaşa aviareyslər olub ", - o yazıb.
Bununla yanaşı, Xalidov qeyd edib ki, hazırda Qazaxıstandan keçmiş SSRİ-nin səkkiz ölkəsinə uçuşlar var. Buraya Azərbaycana qonşu olan iki Cənubi Qafqaz ölkəsi də daxildir. Azərbaycandan isə Mərkəzi Asiya ölkələrinə heç bir reys yoxdur.
Bu problemi Turan-a şərh edən hökumətdəki mənbə qeyd edib ki, reyslər koronavirus pandemiyasına görə ləğv edilib. Nazirlər Kabineti yanında Operativ Qərargah bu və ya digər ölkəyə aviauçuşların bərpası haqda qərarı epidemioloji durumdan asılı olaraq qəbul edir.
Hələlik Mərkəzi Asiya ölkələri ilə birbaşa uçuşların bərpası planlaşdırılmır, ona görə də ora yalnız üçüncü ölkələr vasitəsilə uçmaq mümkündür.
Pandemiyaya qədər Azərbaycan və Qazaxıstan arasında birbaşa hava əlaqəsi Azərbaycanın AZAL və Qazaxıstanın "Eyr Astana" və SCAT şirkətləri tərəfindən həyata keçirilib.
Sentyabrın 10-da Bakıda iqtisadi əməkdaşlıq üzrə Qazaxıstan-Azərbaycan hökumətlərarası komissiyasının növbəti iclasında Qazaxıstan nümayəndələri Azərbaycana birbaşa hava əlaqəsinin bərpasını təklif ediblər.
Pandemiyadan öncə Özbəkistandan Azərbaycana birbaşa aviareyslər Özbəkistanın aviaşirkəti tərəfindən həyata keçirilib. Avqustun əvvəlində belə bir məlumat yayılıb ki, Özbəkistan hakimiyyəti Azərbaycana birbaşa aviareyslərin bərpasını təklif edib.
Sentyabrın əvvəlində Azərbaycanın xarici işlər naziri Qırğızıstanın yeni səfiri Kayrat Osmonaliyevi qəbul edib. Görüş zamanı birbaşa aviareyslərin bərpası məsələsi də müzakirə olunub.
2019-cu ilə qədər Azərbaycanın Türkmənistanla hava əlaqəsi olmayıb. Uçuşların başlanması ilə bağlı danışıqlar aparılıb, ancaq pandemiyaya görə dayandırılıb. –71D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz