Məşhur Azərbaycan reperi Anar Nağılbaz (Cəbiyev) Çexiyaya köçüb. Bu barədə Turan agentliyinə reperin üzvü olduğu “ReAl” hərəkatından bildiriblər.
“ReAl”ın icraçı katibi Natiq Cəfərli Nağılbazın köçdüyünü təsdiq edib, amma səbəbi açıqlamaqda çətinlik çəkib. “Ola bilər ki, bu, ailə problemləri ilə bağlıdır”, deyən Cəfərli siyasi motivləri də istisna etməyib.
Qeyd edək ki, Nağılbaz Azərbaycanda onlarla QHT-yə qarşı cinayət işinin fiqurantı olub və dəfələrlə prokurorluğa dindirilməyə çağırılıb. Xüsusən, istintaq hüquq müdafiəçisi Rəsul Cəfərovun işi üzrə onu zərərçəkmiş kimi tanıyıb. Lakin reper özü prokurorluğun iddialarını təkzib edib, “Demokratiya naminə incəsənət” layihəsi çərçivəsində layihə rəhbərinin (Rəsul Cəfərov) onun qonorarının bir hissəsini mənimsədiyini təsdiq etməyib.
Bir müddət əvvəl o, Azərbaycanı tərk edib və o vaxtdan Çexiyadadır.
Xatırladaq ki, Nağılbaz parlamentin keçmiş deputatı, hakim Yeni Azərbaycan Partiyasının üzvü Rizvan Cəbiyevin oğludur. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz