Mətbuat İcmalı

Rəsmi qəzetlər və iqtidaryönlü qəzetlər prezident İlham Əliyevin sərəncamlarını, rəsmi sənədləri və hökumətin fəaliyyətini tərif edən məqalələri birinci səhifəsində dərc edib, digər qəzetlər isə Rusiya prezidenti Putinin Bakıya gəlmə ehtimalları, iqtisadi böhran, manatın devalvasiyası, məmurlar arasında kəskin münasibətlərlə bağlı məqalələri baş məqalə yerində tirajlayıblar.

Azadlıq

“Baba Rzayev Etibar Pirverdiyevi necə bitirdi?” məqaləsi “Azərenerji”  və “Azərişıq” rəhbərləri arasındakı münasibətlərdən bəhs edir.  Bu yaxınlarda “Azərenerji”nin əhaliyə elektrik satışı fəaliyyəti “Azərişıq”a verilib. Rəsmi mediada “Azərenerji”nin texniki avadanlıqlarının köhnə və yararsız olması ilə bağlı məqalələr dərc edilir.

“İnsanda şərəf yaxşı şeydir...”  reportajı AMAY şirkətinin rəhbəri Abdulla Abdullayevin məhkəməsindən bəhs edir. O, mənimsəmə, vəzifədən sui-istifadədə ittiham olunur. A.Abdullayev ona qarşı ittihamların sifariş və məqsədin isə biznesmenin sıradan çıxarılması olduğunu deyib. “Prokurorun təyin etdiyi audit o boyda AMAYA-a 57 milyon qiymət qoyub”,-  o qeyd edib.

Hakimiyyət iqtidara yaxın siyasi partiyalara maliyyə yardımını dayandırıb. Qəzet bu məlumatı öz mənbələrindən alıb.

Avropa oyunları ilə əlaqədar şəxsi avtomobillərdən taksi kimi istifadəyə qadağa qoyulacaq. Artıq şəxsi avtomobillərdən taksi kimi istifadə üçün lisenziyalar dayandırılıb.

Beynəlxalq Bankın bu günlərdə istefa vernmiş sədri Cahangir Hacıyevə məxsus olan “BOT” MMC-nin fəaliyyəti dayandırılıb. Hərbi ayaqqabıların istehsalçısı olan şirkəıtin 300 işçisi  işsiz qalıb.

Ekspress

“Valyuta panikası və ya bir dollar iki manat olacaq?” məqaləsi manatın yenidən devalvasiya ehtimallarından danışır. “Dolların Azərbaycanda əsas yığım və ticarət vasitəsinə çevrilməsi manatın məzənnəsinə olan təzyiqləri daha da artıracaq”, - qəzet yazır.

2014-cü ildə Azərbaycanın idxalının 44 faizini, yəni 4168 milyard dolları istehlak malları olub.  İstehlak mallarının  1,22 milyard dolları ərzaq məhsullarının payına düşür.

Qəzet The Telegraph qəzetinin “Qara qızıl” üçün qara günlər məqaləsini dərc edib “İran qarşı embarqo götürülsə neftin bir barelinin qiyməti 20 dollara düşə bilər”.

Yeni Müsavat

Yəməndə olan 7 Azərbaycan vətəndaşı Türkiyə vətəndaşları ilə birgə əvvəlcə Cibutiyə, sonra isə Türkiyəyə gətirilib.        

“Aslan Aslanovun öldürtdüyü deyilən polkovnikin yaxınlarından sensasion açıqlama”  yazısında Şəmkir rayonunun İcra Hakimiyyətinin keçmiş başçısının hərəkətlərindən bəhs edir. 1994-cvü ilin martında polkovnik Cahangir Rüstəmovun qəsdən avtomobil qəzasına salındığı iddia edilir. Məqalədə iddia edilir ki, polkovnik ermənilərə  qarşı döyüşlərdə nümunəvi komandirlərdən olub və Aslan Aslanovla münasibətləri gərgin olub.

Müsavat Partiyasının başqanı Arif Hacılı müsahibəsində regiondakı siyasi hadisələr, parlament seçkilərinə hazırlıq məsələləri önə çəkilib. “Yaxın aylarda cəmiyyətdə fəallıq artacaq”, - o qeyd edib.

“Putinin Bakıya gətirəcəyi iki mesaj-iddia, şərh” yazısında Rusiya prezidentinin Bakıya gələcəyi  ehtimalının böyük olduğu bildirlir. Fransa prezidenti Fransua Ollandın səfərindən sonra Qarabağ məsələsi ilə bağlı müzakirələrə yol aça bilər.

Azərbaycanın keçmiş baş naziri, Milli Məclisin deputatı Əli Məsimli bildirib ki, neftin qiymətinin aşağı düşməsi dövlət büdcəsinin gəlirlərinin 88 faizə qədər hissəsinə təsir edəcək”.  

Bizim Yol

Aprelin 15-dən AZAL bütün istiqamətlərə uçuşlara 20 faizlik endirim tətbiq edəcək. Bu barədə AZAL rəsmisi Mhərrəm Səfərli qəzetə müsahibsəində bildirib.

“Baş bankirin xəbərdarlıq etdiyi təhlükə ölkəni haqlayır” məqaləsində deyilir ki, Azərbaycandan külli miqdarda pul çıxarılır, tədiyyə balansı mənfi zonaya yaxınlaşır.