![Mətbuat icmalı 31.03.15](https://turan.az/resized/media/2015/main/033100111043-750-500-resize.webp)
Qəzetlərin baş səhifələri müxtəlif mövzulara həsr olunub. Rəsmi və iqtidaryönlü qəzetlər prezident İlham Əliyevlə bağlı xəbərləri baş məqalə yerində dərc ediblər. Belə ki, İ.Əliyev “Ağ şəhər”də tikinti işləri ilə tanış olub. Bütün qəzetlər 31 mart – azərbaycanlıların soyqırımı ilə bağlı çoxsaylı məqalələr dərc edib.
Rəsmi və iqtidaryönlü qəzetlər Prezident Adminsitrasiyası rəhbərinin müavini, ictimai-siyasi məsələlər şöbəsinin müdiri Əli Həsənovun “Azərbaycanlılara qarşı etnik təmizləmə və soyqırımı siyasətinin mərhələləri” başlıqlı elmi məqaləsini dərc ediblər.
Digər qəzetlər isə cəbhədə son döyüşlər, sosial etirazlar, məmur harınlığlı, manatın gözlənilən yeni devalivasiyası ilə bağlı baş məqaləılər dərc ediblər.
Bizim Yol
“Bir ağa vardı,o da mən olmuşam” reportajı AMAY şirkətinin rəhbəri Abdulla Abdullayevin məhkəməsindən bəhs edir. Mənimsəsmə, vəzifə səlahiyyətlərindən sui- istifadə ittihamı ilə həbs edilən Abdullayev günahkar olmadığını bildirir və bütün hərəkətlərinin “yuxarılarla” razılaşdlırıldığını bildirir.
“Bəşər Əsədin amnisiyası Azərbaycanda keçərlidirmi?” reportajı Pakistanda və Suriyada döyüşən Azərbaycan vətəndaşlarının məhkəməsindən bəhs edir. Martın 30-da Bakı Ağır Cinayətlər Məhkəməsində Suriya və Pakistanda dini ekstermist dəstələrində tərkibində döyüşdüyü iddia edilən 5 nəfərin məhkəıməsi üzrə hazırlıq iclası olub.
Məişət cihazlarının qiyməti 35-40 faiz artıb, mağazalarda alıcıların sayı yarıbayarı azalıb. Bu barədə “Məişət cihazlarının qiyməti “ərşə qalxıb” məqaləsində yazılıb.
Azadlıq
Bərdədə məskunlaşan bir qrup ağdamlı məcburi köçkün ev problemləri həll edilmədiyi üçün etiraz aksiyası keçirib. Etirazçılar avtomobil yolunu kəsib. Etiraza köçkünlərin adlarının ev alacaq şəxslərin siyahısından çıxarılması səbəb olub.
Avropa Məhkəməısi AXCP fəalı, Sabirabadda narkotik maddə ittihamı ilə həbs olunmuş siyasi məhbus Murad Ədilovun işini icraata götürüb.
“Hamı 5 aprel mitinqinə hazırlaşır” məqaləsində vətəndaşların Milli Şuranın aprelin 5-nə təyin etdiyi mitinqdə iştirak etməsi üçün əsasların olduğu izah edilir. Səbəblər siyahısında malların və xidmətlərin bahalaşması, manatın devalvasiyası, hökumətin yarıtmaz sosial siyasəti, rəsmi medianın yalan məlumatlar verməsi və s. göstərilir.
Qəzet vergilər naziri Fazil Məmmədov, nəqliyyat naziri Ziya Məmmədov, Dəmiryol Qapalı Cəhmdar Cəmiyyətinin sədri Cavid Qurbanovla və başqa vəzifəli şəxslərlə bağlı məqalələr dərc edib. Məqalələrdə qarşılıqlı münasibətlərin toqquşması, vergi toplanmasında qanunsuz üsullardan istifadə əks olunur.
“Azadlıq” qəzetinin mühacirtədə olan baş redaktoru Qənimət Zahid müsahibəsində bundan sonra sahibkarlar arasında etirazların olacağlını və onların da həbsə məruz qalacağını bildirir.
Qəzet 31 mart azərbaycanlıların soyqırımı ilə bağlı tarixçi alim Şövkət Məmmədin “Unutmadıq və unutmayacağıq” başlıqlı məqaləsini dərc edib. “Hər dəfə 20 Yanvar, 26 fevral və 31 mart günlərində bir sual adamı düşündürür: bu qətliamlardan sonra biz ermənilərlə yenidən birlikdə yaşaya bilərikmi?”, məqalədə qeyd edilir.
Yeni Müsavat
Aprel ayında növbəti iqtidar-müxalifət görüşü gözlənilir. Bu barədə Klassik Xalq Cəbhəısi Partiyasının sədri Mirmahmud Fəttayev bildirib. Onun sözlərinə görə, Prezident Adminsitrasiyası rəhbərinin müavini Əli Həsənovla son görüş fevralı 12-də olub və qərara gəlinib ki, hər iki aydan bir görüş olsun. Növbəti görüşün aprelin 12-də olacağı ehtimal edilir.
Azərbaycan Dağlıq Qarabağın ətrafındakı rayonları azad etməyə hazırlaşır. Bu Bakıda keçiriləcək Avropa oyunlarından sonra baş verə bilər. Qəzet bu məlumatı “Atlas” Araşdırmalar Mərkəzinin hesabtına əsaslanaraq yazıb.
“Qarabağda gecə döyüşləri: çoxlu erməni əsgər öldürülüb” məqaləsi cəbhədəki son döyüşdən bəhs edir. Müdafiə Nazirliyi 7-dən çox erməni əsgərin öldürüldüyünü bildirib.
“Cahangir Hacıyevi bitirən şok səbəb ortaya çıxdı” yazısı Beynəlxalq Bankın İdarə Heyətinin sədrinin istefasının səbələrindən bəhs edir. “Beynəlxalq Bankın sabiq sədri devalivasiyadan yüz milyonlar qazansa da dövlətə ciddi ziyan dəyib”, - məqalədə qeyd edilir.
Ekspress
“Meşəyə getməyib, dağa çıxıb” məqaləsində Dubay şeyxinin Azərbaycanda ov macəralərından bəhs edilir. Burada ovun qanunsuz olduğu bildirilir. Çünki ölkədə ov qadağan edilib və qanunsuz ov edənlər cərimələnir.
“Turizm xərcləri 8 dəfə artıb” adlı məqalədə deyilir ki, Azərbaycan vətəndaşları ötən il xaricdə 3 milyard dollar, xarici turistlər isə Azərbaycanda 2,4 milyard dollar xərcləyiblər.
Rəy yaz