![Mətbuat-Monitorinq 02.06.14](https://turan.az/resized/750/500/resize/media/2014/main/060200080238.jpg)
Mətbuat-Monitorinq 02.06.14
Rəsmi qəzetlər ilk səhifələrində dövlət başçısı İlham Əliyevin ATƏT-in Minsk Qrupu həmsədrlərini qəbul etməsi barədə xəbəri, mülki aviasiya işçilərinin dövlət mükafatları ilə təltif olunmaları haqda sərəncamların mətnlərini dərc ediblər.
“Azadlıq” qəzeti hakimiyyətə nəzarəti tam ələ keçirmək üçün PA-nın rəhbəri Ramiz Mehdiyevlə nazir Kəmaləddin Heydərovun ittifaq yaratmasının Paşayevləri narahat etməsi xəbərini ilk səhifəyə çıxarıb.
Deputat Əsabəli Qasımova məxsus “Karmen” şirkətində bu il mayın 23-də 1 milyon manat həcmində oğurluq olsa da deputat bunun üstünün aılmasını istəməyib, yalnız Abşeron polisi işi açıb.
Qəzetin yazdığına görə, son əfv fərmanında həbsdə olan dindarların adlarının olmaması dövlət başçısının adına əfv ərizəsi yazmamaları ilə bağlıdır.
“Doktrina” Hərbi Araşdırmalar Mərkəzi bu ilin ötən 5 ayı ərzində müdafiə və təhlükəsizlik sektorunun 38 itki verdiyini, 68 nəfərin isə xəsarət alması haqda açıqlama yayıb.
Rəsmi Bakının nüvə enerjisi yaratmaq haqda planlarına ekspertlər “neft-qazla zəngin Azərbaycanın nüvə enerjisi nəyinə lazımdır?” reaksiyasımə veriblər.
Ekspertlərin fikrincə, iqtidarın “avro-4” standartı tətbiq etməkdə məqsədi heç də elə ekoloji mühiti təmizləmək və tıxac problemini həll etmək yox, ölkəyə maşın gətirilməsinin qarşısını almaqdır.
Böyük Britaniya hökumətinin Azərbaycanda repressiyaları pisləməsinə rəsmi Bakının tənqidlə cavab verməsini qəzet “iqtidarın ABŞ-dan sonra bu ölkəyə savaş açması” kimi dəyərləndirir.
Ölkədə müstəqil mətbuatın durumunu təhlil edən ekspertlər müstəqil mətbuatın 1998-ci ilin sonlarından çökdürülməyə başladığını və prosesin indiyə qədər davam etdiyini qeyd ediblər.
Həbsdə olan tanınmış vəkil Qurban Məmmədov “NİDA”çı gənclərlə bağlı məhkəmə hökmlərini Azərbaycanın hüquq müstəvisindən çıxması, “açıq həyasızlıq və “lotu davranışı” adlandırıb.
“Yeni Müsavat” qəzeti həbsdə olan keçmiş komandan Şahin Sutlanovun vəkilinə istinadən onun müdafiə naziri Zakir Həsənovun və hərbi prokuror Xanlar Vəliyevin dezinformasiyası nəticəsində həbsə alınması haqda xəbəri manjetə çıxarıb.
Jurnalist Fərahim İlqaroğlunun fiziki zorakılığa məruz qalması cinayətinin açılmamasına Media Hüququ İstitutunun əməkdaşı Xalid Ağaəliyev “hökumət heç vaxt cəzalandırmaq istəmir” açıqlamasını verib.
Qəzet Müsaavat Prtiyasının başqanı İsa Qəmbərin Ukrayna prezidenti Poroşenkonun inauqurasiya mərasiminə qatılacağını nəzərə çatdırır.
Ekspertlərə istinadən ölkənin kredit bazarında problemli kreditlərin həcminin 10% olduğunu yazan qəzet bu həddi təhlükəli adlandıraraq “kredit bazarının çökə biləcəyi” barədə xəbərdarlıq edir.
Hüquq müdafiəçisi Leyla Yunusun rəhbəri olduğu Sülh və Demokratiya İnstitutunun əməkdaşı kimi qələmə verilən
Əkbər Həsənov jurnalist Rauf Mirqədirovun cinayət işilə bağlı istintaqda L.Yunusun əleyhinə ifadə verib. L.Yunus isə institutda belə bir şəxsin çalışmadığını nəzərə çatdırıb.
Milli İstiqlal Partiyasının lideri Etibar Məmmədov Rusiyanın layihəsi olan Avrasiya İttifaqının “yeni SSRİ”yə çevrilə bilməyəcəyi və Azərbaycanın bu qurumda iştirak perspektivinin olmadığı şərhini verib.
Ötən sutka ərzində 20 yol-nəqliyyat hadisəsi qeydə alındığını yazan qəzet bunun nəticəsində 7 nəfərin həlak olduğunu, 35 nəfərin xəsarət aldığını bildirir.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz