Mətbuat-Monitorinq 02.07.13

Rəsmi və iqtidaryönlü qəzetlər dövlət başçısı İlham Əliyevin Şirvan şəhərinə gedişi, burada bəzi obyektlərin açılışında iştirakını önə çəkib. Bundan əlavə, rəsmi qəzetlər İ.Əliyevin qəbulları haqda da yazıblar. 

Dövlət başçısının sərəncamı ilə Daxili İşlər Nazirliyinin zabiti Səhlab Bağırov, Naxçivan DİN-in nazir müavini Səbuhi Novruzov, İnterpol-un Milli Mərkəzi Bürosunun rəsi Mehman Təhməzova general- mayor rütbəsi verilib, DİN-in daha bir qrup əməkdaşı dövlət mükafatları ilə təltif olunub. 

Dövlət başçısı Şirvan şəhətinin sosial-iqtisadi inkişafı üçün 2 milyon manat ayrılması haqda sərəncam verib.

“Yeni Azərbaycan” qəzeti isə ölkənin etiraz elektoratını ətrafında birləşdirən Milli Şuranın ünvanına böhtan, təhqir, iftira olan bir neçə məqalə yerləşdirib. 

“Azadlıq” ölkənin etiraz elektoratının birliyi olan Milli Şuranın bu gün prezidentliyə vahid namizədi müəyyən etməsi mövzusunu manjetə çıxarıb.

“Azərbaycan” nəşriyyatı 20 min manat borca görə “Azadlıq” qəzetinin çapından imtina edir, “Qasid” isə qəzetin maliyyə vəsaitlərini vermir.   

Sabirabadın Güdəcühür kəndində məskunlaşan Cəbrayıl rayonundan olan 190-dan çox ailə ağır sosial problemlər üzündən aksiya keçirib, polis aksiyanı dağıdıb. 

Həbsdə olan AİP sədri Mövsüm Səmədovun “kars”a salınmasını vəkili Anar Qasımlı “Səmədovun durumunu ağırlaşdırmaq üçün müəyyən planların qurulması” kimi dəyərləndirib.

Politoloqlar deputat Mehriban Əliyevanın namizədliyinin irəli sürülməsini “iqtidarın manevri” kimi şərh ediblər. 

Xalqı etiraza çağırış olan “Susma” klipinə görə barəsində cinayət işi başlanan keçmiş deputat Hüseyn Abdullayevin hansı vergi cinayətində ittiham olunması haqda Vergilər Nazilriyi vəkilin sorğusunu hələ də cavablandıra bilməyib.    

Dəmir yollarının təhlükəsizlik zolağında inşa edilmiş minə yaxın evin sökülməsinə başlanılır, bununla bağlı Nazilər Kabinetinin qərarı var.

“Zerkalo”  Milli Şuranın bugünkü toplantısında Rüstəm İbrahimbəyovun prezidentliyə namizədliyinin irəli sürüləcəyi mövzusunu ilk səhifəyə çıxarıb.

Ekspertlər qəzetə açıqlamalarında Bakının təkcə bir rayonunda magistral su kəməri üzərində 2800 ev tikilidiyini nəzərə çatdırırlar.  

“Ekspress” rəsmi İrəvanın Fransa- Almaniya istehsalı olan tank əleyhinə raketlər almasını Ermənistanı bu iki dövlətin silahlandırması kimi dəyərləndirir.

Depuatat Vahid Əhmədov pensiyaların məbləğinin 20% artırılacağı haqda açqılama verib.

“Exo” ölkədəki miqrantların hər il Azərbaycandan 500 milyon manat çıxarmalarını baş mövzu hesab edib.

Ötən 5 ay ərzində ölkədəki yol-nəqliyyat qəzaları nəticəsində 443 nəfər həlak olub, 1247 nəfər xəsarət alıb, təkcə son iki həftədə yollarda ölənlərin sayı 53 nəfər olub.

“Novoe Vremya” YAP icra katibi Əli Əhmədovun hər hansı seçki olmamış indiki dövlət başçısı İlham Əliyevin yenə də prezident seçiləcəyi haqda bəyanatına “Əli Əhmədov artıq seçkinin nəticələrini bilir?” mövqeyini ifadə edir.  

“Bizim yol” ABŞ hökumətinin Azərbaycana xüsusi missiya göndərməyi nəzərdə tutduğunu, Vaşinqtonun mövqeyini ifadə edəcək bu missiyanın iqtidar və müxalifətlə ciddi müzakirələr aparacağını nəzərə çatdırır.

“Yeni Müsavat” Milli Şuranın bugünkü sessiyasında qurumun iqtidara alternativ namizədinin Rüstəm İbrahimbəyov ola biləcəyini önə çəkib. 

Göyçay müsavatçıları rayon rəhbərliyi rayonda tədbirlər keçirməyə imkan vermədiyi üçün bu tədbirləri keçirməkdən ötrü İsmayıllı meşələrinə çəkilirlər.

Separatçı “Talış-Muğan Respublikası”nın “qurucusu”” Əlikram Hümbətovun talışları separatçılığa çağırmasını ekspertlər “ölkədə suyu bulandırmaq” sayırlar.