Rəsmi qəzetlər dövlət başçısı İlham Əliyevin Latviyanın eks-prezidenti Vayra Vike-Freyberqanı qəbul etməsi haqda yazır. Bundan əlavə, bu qəzetlər dövlət başçısının prokurorluq və təhsil oqranları əməkdaşlarının bir qrupunun dövlət mükafatları ilə təltif edilmələri haqda sərəncamların mətnini dərc ediblər.
“Azadlıq” qəzeti deputat Gülər Əhmədova ilə fəaliyyəti dayandırılmış Beynəlxalq Azərbaycan Universitetinin rektoru Elşad Abdullayev arasında rüşvət qalmaqalının parlamentdə müzakirəsinə imkan verilməməsini “Gülər Əhmədova olayına qadağa” kimi dəyərləndirir. PA ictimai-siyasi şöbəsinin müdiri Əli Həsənov isə G.Əhmədovanın rüşvət qalmaqalı ilə bağlı videoçəkilişin gerçəkliyinə heç kəsdə şübhə olmadığını bəyan edib. ADP sədri Sərdar Cəlaloğlu G.Əhmədovanın rüşvət qalmaqalını “video qalmaqalı qruplararası savaşın təzahürü” olması kimi dəyərləndirib.
Ekspertlər dövlət başçısının qızı Leyla Əliyevanın şerlərinin 5-ci sinif dərsliyinə salınmasını “yaltaqlıq” adlandırıblar.
ABŞ Konqresində “Güney Azərbaycan məsələsi”nin gündəmə gəlməsinə cavab olaraq vitse-spiker Ziyafət Əsgərov “Azərbaycanın İrana ərazi iddiası olmadığı”nı deyib, deputat Siyavuş Novruzov isə ABŞ-ı “provokator” adlandırıb.
“Zerkalo” “Qarabağ məsələsi”nin tənzimlənməsilə bağlı danışqıları mənasız sayan rəsmi Bakının danışıqları davam etdirməsinə razı salınması üçün Minsk Qrupu həmsədrlərinin cəhdlərini “təxribat” adlandırır.
“Ekspress” ABŞ konqresmeni Deyn Rorabaherin Güney Azərbaycanla bağlı hazırladığı layihənin Milli Məclisdə vitse-spiker Ziyafət Əsgərov tərəfindən kəskin tənqid edilməsini “1-ci vitse-spikerin konqresmenə qarşı olması” kimi şərh edir.
Özəlləşdirilən 84 uşaq bağçasından yalnız 8-i profili üzrə fəaliyyət göstərir.
“Exo” ekspertlərə istinadən ölkədə kibercinayətkarlığa qarşı Avropa konvensiyasının tələblərinin yerinə yetirilmədiyini yazaraq bunu “Azərbaycanda kibercinayətkarlığa qarşı mübarizədə problemlərin olması” kimi dəyərləndirir.
“Novoe Vremya” Milli Məclisdə etika kodeksinin qəbul olunması haqda fikirlərə Krılovun təmsili ilə “siz, dostlar necə əyləşirsiz əyləşin, musiqiçi olmağa yaramırsız” cavabı verməklə bu parlamentin xalqı təmsil etmək haqqının olmadığını nəzərə çatdırır.
“Bizim yol”. Baş prokuror Zakir Qaralov fəaliyyəti dayandırılmış Azərbaycan Beyənlxalq Universitetinin binasına həbs qoyub.
“Yeni Müsavat” rüşvət qalmaqalına görə deputat Gülər Əhmədovanın parlamentdə adının belə çəkilməməsini iqtidarın deputatı sərt cəzalandırmaq varinatından geri çəkilməsi adlandırır.
Qəzet İranın vurulmasında Azərbaycandakı aeroportlardan da istifadə olunacağı haqda “Röyter”in yaydığı xəbərləri “Tehranı Bakı üzərinə qaldıra biləcək şok araşdırma” adlandırıb.
Keçmiş deputat Gülər Əhmədova özü ilə bağlı rüşvət qalmaqalına “çox adamın videosunu ortaya qoya bilərəm” bəyanatını verib.
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz