Mətbuat-Monitorinq 02.10.13

Rəsmi və iqtidaryönlü qəzetlər dövlət başçısı İlham Əliyevin Bakının Bilgəh qəsəbəsindəki müharibə və əmək əlilləri üçün pansionatda tikilən yeni korpusun açılışında iştirakı haqda yazırlar.   

“Azadlıq” qəzeti yazır ki, Milli Şuranın prezidentliyə namizədi Cəmil Həsənli beynəlxalq təhlillərdə “qısa zamanda Azərbaycan siyasətini dəyişən adam” kimi təqdim edilir. 

C.Həsənlinin seçki qərargahı “qapıdan-qapıya” kampaniyasına start verib. 

Prezident seçkiləri ilə bağlı teledebatları təhlil edən ekspertlər bu çıxışların “iqtidar namizədlərinə nifrət, müxalifət namizədinə rəğbət yaratdığı” qənaətini ifadə edirlər. 

Yaydığı videosənədlərlə iqtidarı ifşa etməkdə olan keçmiş rektor Elşad Abdullayevin növbəti videomaterialında deputatlıq mandatı ilə bağlı rüşvəti dövlət başçısı İlham Əliyevin tələb etdiyi aşkarlanır. 

Reuters xəbər agentliyi İ.Əliyevi “seçkiöncəsi onlarla əleyhdarını həbsxanaya saldıran şəxs” adlandırır. 

“Zerkalo”. ABŞ diplomatları rəsmi Bakını müxalifətə olan təzyiqlərə son qoymağa çağırıb. 

Ölkənin baş prokuroru Zakir Qaralov Milli Şuranı “iğtişaşlara hazırlaşmaqda” ittiham edir. 

“Ekspress”. Ölkə iqtidarını yaydığı videosənədlərlə ifşa edən keçmiş rektor Elşad Abdullayevlə bağlı baş prokuror Zakir Qaralov növbəti dəfə “keçmiş rektor ekstradisiya ediləcək” bəyanatını səsləndirib. 

“Exo” ekspertlərə istinadən bildirir ki, Azərbaycanda qara kürünün 1 kiloqramı 1200-1500 manata satılır. Hazırda 1 kiloqramı 150 manat olan qırmızı kürünün qiyməti yaxınlarda 450-500 manata qalxacaq. 

“Novoe Vremya”  rəsmi Bakının ölkənin idarə olunmasında “zor siyasəti”nə üstünlük verməsini “təhlükəsizlik əvəzinə təqib, sabitlik əvəzinə durğunlaq” kimi təqdim edir. 

“Bizim yol” 500 minə yaxın sənədsiz evin rəsmiləşdirilmədiyini yazaraq seçkidən sonra Bakıda söküntülərin geniş vüsət alacağını bildirir. 

Keçmiş deputat Nazim Məmmədov bildirib ki, rəsmi Bakı əhalidə qıcıq yaratmamaq üçün neft pullarını büdcəyə salmadan Neft Fondundan götürərək xərcləyir. 

“Yeni Müsavat” dövlət başçısı İlham Əliyevin Naxçıvana səfər etməməsini “iqtidar daxilində Naxçıvanla bağlı siyasətin dəyişməsinə işarə” kimi dəyərləndirir. 

Müsavat başqanı İsa Qəmbər ölkə seçicilərini seçkidə fəallığa çağıraraq “5 ildə bir dəfə yarım saat vaxtını seçkiyə sərf eləməyi suala çevirmək olmaz” mövqeyini ifadə edib. 

Hüquq müdafiəçisi Leyla Yunus bildirib ki, indiki iqtidar hakimiyyətdə qaldığı halda ölkəni repressiya gözləyir. O, iqtidarın siyasi məhbuslar olmadan ölkəni idarə edə bilmədinmi qeyd edib. 

2012-ci il 1 mart Quba hadisələrinə görə cəza çəkib azadlığ çıxan məhbuslardan İlham Əliyevə minnətdarlıq tələb edilir, bunu etməyənlərə “başlarının ağrıyacağı” barədə xəbərdarlıq olunur.