Mətbuat-Monitorinq 02.12.14

Rəsmi qəzetlər dövlət başçısı İlham Əliyevin Əfqanıstan prezidenti Məhəmməd Əsrəf Qanini qəbul etməsi haqda xəbəri ilk səhifələrdə yerləşdiriblər.

“Azadlıq” qəzeti iqtidarla münaqişədə olan keçmiş deputat Hüseyn Abdullayevin ailə üzvlərinə basqılarla bağlı rəsmi Bakıya xəbərdarlığını ilk səhifəyə çıxarıb.

Qəzet hüquq-mühafizə orqanları tərəfindən bloger Mehman Hüseynovun növbəti dəfə saxlandığını, şəxsiyyət vəsiqəsinin əlindən alındığını yazır.

Bir sıra siyasi məhbusların vəkilləri onlara qarşı narkotik maddə saxlamaq, xuliqanlıq kimi ittihamların istintaqda özünü doğrultmadığı barədə açıqlama veriblər.

Qəzet MTN-in bu günlərdə “Qaraçuxur məscidi”nin yandırılması ilə bağlı onu  yandıranların PKK-cı olması haqda bəyanat yaymasına diqqət çəkir.

Qazax şəhər bələdiyyəsi və icra nümayəndəsi dükanların stend lövhələrindən “türk” sözünü sildirir, özü də bunu dövlət başçısı İlham Əliyevin qərarının olması ilə izah edirlər.

Bununla yanaşı qəzetdə “Yeni Müsavat” qəzeti rəhbərliyilə münasibətlərə dair tənqidi xarakterli xeyli məqalələr  yer alıb.    

“Ekspress”  rəsmi Ankaranın Azərbaycanı “Böyük-20”-lərin toplantısında  iştiaraka xüsusi dəvətini diqqət mərkəzinə çəkib.

Həbsdəki bloger Əbdül Əbilovun anası oğlunun əfv olunması haqda müraciət yazdığını bəyan edib.

İranın dini lideri Əli Xamneyinin qərargahı İranda “ağ evli”liyin (vətəndaş nikahı) yayılmasından narahatlıq ifadə edərək buna qarşı mübarizəyə çağırıb.

“Exo” 1987-ci ildən indiyə kimi Azərbaycanda 4859 nərəfin QİÇS vurusuna yoluxduğunu nəzərə çatdırır.

“Novoe Vremya”   Rusiya-Qərb münaqişəsini önə çəkərək “gurultulu”  “Rusiyanın bu geosiyasi savaşdan qalib çıxacağı” bəyanatını səsləndirir.

“Bizim yol” “Qaraçuxur məscidi”ni bu günlərdə PKK-çıların yandırması haqda MTN-in bəyanatını önə çəkib.

Ekspertlər  neftin qiymətinin enməsinin Azərbaycanda ixtisarlar, bahalaşma, işsizlik  kimi neqativlər vəd etdiyini bildirirlər.

“Yeni Müsavat”   MTN-in bəyanatına istinadən “Qaraçuxur məscidi”ni PKK-çların yandırması haqda mövqeyi “məscid təxribatının arxasından PKK izinin çıxması” kimi dəyərləndirərək ön sıraya çəkib.

Dünya bazarında neftin ucuzlaşması fonunda Azərbaycanda baş verməsi ehtimal edilən proseslər haqda politoloq Ərəstun Oruclu “Neftin ucuzlaşması amilinin Azərbaycanda hakimiyyət dəyişikliyinə gətirə biləcəyi” bəyanatını səsləndirib.