Rəsmi və iqtidaryönlü qəzetlər 2 iyul Polis Günü ilə bağlı keçirilən rəsmi tədbirlərə geniş yer verib. Dövlət başçısının bir sıra sərəncamları bu 2 qəzetlərdə yer alıb.
Rəsmi qəzetlər Rüstəm İbrahimbəyovun demokratik düşərgənin prezidentliyə vahid namizədliyini də “unutmayıb”. Belə kı, YAP mənsubları R.İbrahimbəyovu vətənpərvər olmamaqda, Qarabağın Azərbaycan torpağı olmasını şübhə altına almaqda ittiham edirlər.
“Yeni Azərbaycan” qəzetində demokratik düşərgəyə təhqir, iftira böhtan olan 6 məqalə əksini tapıb.
“Azadlıq” qəzeti ölkənin iqtidar və müxalifət düşərgəsində baş verən hadisələrə geniş yer verib.
Rüstəm İbrahimbəyovun ölkənin etiraz qüvvəsini birləşdirən Milli Şuranın prezidentliyə vahid namizədi olması əsas mövzudur. Ekspertlər R.İbrahimbəyovu “etiraz qüvvəsini birləşdirməyə gücü çatan şəxs” sayıblar. Prezidentliyə namizəd R.İbrahimbəyov ABŞ-a dəvət alıb, ABŞ-dan gələcək missiyanın isə MŞ ilə görüşü gözlənilir.
İqtidar düşərgəsindəsə deputat Mehriban Əliyevanın prezidentliyə namizədliyinin irəli sürülməsinin tərəfdarları artır. DADP-nin ardınca iqtidar düşərgəsində olan daha iki partiya bu namizədi dəstəkləməyə hazırlaşır.
Qəzet yazır ki, türkiyəli media mütəxəssisi Ertuğrul Akman xaricdən Azərbaycana yayımlanan “Azərbaycan saatı”nın siqnallarını Azərbaycan hökumətinin vurması haqda fakt və koordinatların olduğunu bildirib.
“Zerkalo” R.İbrahimbəyovun demokratik düşərgənin vahid namizədi olması mövzusuna önəm verib.
İqtidar düşərgəsində durum qəlizdir. Belə ki, deputat Mehriban Əliyevanın namizədliyini irəli sürən DADP-nin “Sevda Xurşudova qanadı”ndan “Fatma Əliyeva qanadı” hüquq-mühafizə orqanlarına şikayət edib.
“Ekspress” dövlət başçısı İlham Əliyevin müxalifət qüvvələrinin xarici ölkələrə artan səfərlərinə “böyük qardaş axtarışında olmaları” reaksiyasını önə çəkib.
İqtidar düşərgəsi mənsubları “adi kinonu yaxşı çəkə bilmir, o ki qaldı siyasi kino çəksin” deyə R.İbrahiombəyovun prezidentliyə namizədliyini aşağılamağa çalışıblar.
“Exo” xarici vətəndaşların hər il Azərbaycanda 1000-ə qədər daşınmaz əmlak almasını önəmli mövzu sayıb.
“Novoe Vremya” Rüstəm İbrahimbəyovun demokratik düşərgənin prezidentliyə vahid namizədi olması mövzusunu önə çəkib.
“Bizim yol” rəsmi Bakının büdcədən iri məbləğdə ödəmələri dayandırması mövzusunu əsas sayaraq bunu “hökumətin seçkiqabağı maliyyə nəzarətini gücləndirməsi” kimi şərh edir.
“Yeni Müsavat” R.İbrahimbəyovun demokratik qüvvələrin vahid namizədi olmasını önə çəkib. R.İbrahombəyovun namizədliyinin iqtidar düşərgəsində qəzəb və çaşqınlıq yaratdığı iddia edilir.
Milli Şuranın yaranması beynəlxalq rezonans doğurub və AŞPA bu qurumun yaranmasını müsbət hadisə sayıb.
Cəmiyyət
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
Rəy yaz