Rəsmi qəzetlər Avropa Oyunları ilə bağlı mövzuları hələ də ön səhifələrdə yerləşdirirlər.
“Azadlıq” qəzeti ABŞ-ın Müstəqillik günü ilə bağlı ziyafətdə rəsmi Bakının idman nazirinin müavini səviyyəsində təmsil olunmasını “iqtidardan ABŞ-a nümayişkaranə etiraz” kimi manjetə çıxarıb.
“Space” telekanalının “Günaydın proqramı”nda kobud efir mədəniyyətsizliyinə görə iyulun 17-dən proqramın ləğvinə qərar verilib.
Ekspertlər ölkədə parlament seçkilərindən sonra növbəti devalvasiya prosesinin ola biləcəyini proqnozlaşdırırlar.
Qəzetə görə, Vergilər Nazirliyinin büdcəyə 7 milyard manat vergi gəliri vermək öhdəliyi pozulur, çünki cərimə alan 100-lərlə obyekt sahibi cərimələrə etiraz olaraq obyektlərini bağlayırlar.
Avropa Oyunlarına qatılan Azərbaycanın cüdo komandası hər hansı hazırlıqları olmadığını deyərək dolayısı ilə federasiya prezidenti, keçmiş nazir Füzuli Ələkbərovu ittiham ediblər.
“Ekspress” ölkə rayonlarına aid avtomobillərin paytaxta ancaq gecə saatlarında daxil olacağını yazır və bunun nə qədər belə davam edəcəyi haqda məlumat vermir.
Ölkə fermerləri builki quraqlığın meyvələri bahalaşdıracağı, meyvələrin həcmcə xırda olacaqlarını bəyan ediblər.
“Exo” ölkədə zəfəran yetişdirilməsi və bunun hər tonuna 10 milyon manat ala biləcəyi haqda “proqnoz”larını önə çəkib.
Ölkə vətəndaşlarının gəlirlərinin 25-30% azaldığını bildirən qəzet bu tendensiyanın 2015-ci ilin sonuna kimi davam edəcəyini yazır.
“Novoe Vremya” ölkənin iqtisadi həyatını təhlil edən yazı fonunda “Azərbaycan iqtisadiyyatını yaxşı zamanlar gözləmir” qənaətini ön plana çəkib.
“Bizim yol” İranın Azərbaycandakı səfiri Pakayinin “İŞİD-in Qafqazda əsas hədəfinin Azərbaycan olması” haqda bəyanatını ilk səhifəyə yerləşdirib.
Ölkə banklarının iflasa doğru getdiklərini yazan qəzet beynəlxalq reytinq agentliklərinin bədbin proqnoz verdiklərini nəzərə çatdırır.
“Yeni Müsavat” Avropa və Amerikada iqtidarın lobbiçiliyi iflasa uğradığı üçün nazirlər Ziya Məmmədov və Elman Məmmədyarovun, komitə sədri Nazim İbrahimovun hədəfə gəlməsi iddiasını ilk səhifəyə çıxarıb.
YAP-ın təxmini parlament siyahısı haqda danışan bəzi şəxslər qarşıdakı parlament sçekilərində tərkibin 70%-nin yenilənəcəyini bildirirlər.
Jurnalsit Xədicə İsmayılın həbsinə səbəb olan Tural Mustafayev məhkəmədə X.İsmayılın əleyhinə ifadə vermək üçün Bakı Şəhər Prokuroluğu və MTN tərəfindən təzyiqlərə məruz qaldığını söyləyəcəyini bildirib.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz