Mətbuat-Monitorinq 03.09.13

Rəsmi və iqtidaryönlü qəzetlər dövlət başçısı İlham Əliyevin Ağcabədi rayon İcra Hakimiyyətinə Hüsülü-Kürdlər-Şərəfxanlı-Mirzəhaverdili yolunun çəkilşilə bağlı 5 milyon, rayonun sosial inkişafı ilə bağlı 2 milyon manatın ayırması haqda sərəncamını dərc ediblər. 

Bundan əlavə, bu qəzetlər Milli Şuranın, onun rəhbərliyinin və prezidentliyə vahid namizədi Cəmil Həsənli haqqında böhtan olan çoxsaylı məqalələr yerləşdiriblər. 

“Azadlıq” qəzeti “Human Rights Watch” insan haqlarını müdafiə təşkilatının yaydığı hesabatı “Əliyevləri darmadağın edən hesabat” adlandıraraq manjetə çıxarıb.

Yalan bəyanatı ilə El hərəkatı rəhbərliyini prokurorluq araşdırmasına məruz qoyan Əflan İbrahimov adlı şəxslə bağlı yayılan video-materialda bu adam xalqa iqtdiara qarşı cihada çağrır. 

Milli Şuranın vahid namizədi Cəmil Həsənlinin seçki qərargahının toplantısı keçirilib, indiyə kimi 35 min imza toplanıb, imza toplanması davam edir, qərargah Bakıda və regionlarda aksiyalar keçirməyi planlaşdırır. Milli Şuranın təmsilçiləri qarşıdakı prezident seçkilərilə bağlı müxalif namizədlər adı ilə çoxsaylı namizədlərin qeydə alınmasına “seçkiyə demokratik don geyindirmək cəhdi” şərhini veriblər. 

Ümumvətəndaş pasportunun alınmasına dair yeni qaydalara görə sənədi bir günə almaq istəyənlər 160 manat ödəməli olacaq.    

“Zerkalo” dünyanın III Dünya müharibəsi ərəfəsini yaşamasına “iki dünya müharibəsi ərəfəsində olduğu kimi qünyada ədalət böhranı yaşanır” mövqeyilə işarə edir.

“Ekspress” ekspertlərə istinadən bu ilin 6 ayında 66 insan alveri faktının üzə çıxdığını bildirir.  

Qəzet sahibkarlara sanksiya tətəbiqinin çətinləşdiyini, onların fəaliyyətinə müdaxilə edən məmurların cəzalandırılacağını yazır. Moskvada 22 bazarın bağlanması “azərbaycanlıların alverinin bağlanması” kimi dəyərləndirilir. 

“Exo” Azərbaycanda və qonşu ölkələrdə minlərlə azərbaycanlı uşağın sənədsiz yaşadığını yazaraq bunu bu insanların fakitki mövcud olmamaları kimi dəyərləndirir.   

“Novoe Vremya”  “Human Rights Watch” təşkilatının insan haqlarının durumuna görə tənqidi hesabatını “təşkilatın yenə tənqid etməsi... iqtidarınsa həmişəki kimi  diş qıcıtması” kimi dəyərləndirir. 

“Bizim yol” yazır ki, müxalifətin prezidentliyə vahid namizədi Cəmil Həsənli seçki prosesinin başlaması ilə bağlı Londona səfərə getməyəcəyini bildirib. 

Ölkədə seçkilərlə bağlı reklamın yalnız “İctimai” TV-də aparılacağını şərh edən ekspertlər bunu “reklamsız seçki” adlandırıblar. 

Qəzet ölkədə leş yığaraq ət adı ilə əhaliyə satan dəstənin mövcud olduğunu nəzərə çatdırır. 

“Yeni Müsavat”ın  iddiasına görə, rəsmi Bakı EL hərəkatının rəhbəri Eldar Namazovdan iki qovluq istəyir, amma qəzet bu qovluğun mahiyyətinin nədən ibarət olmasılna toxunmur. 

İqtidarı kəskin tənqidlərə məruz qoyan keçmiş baş prokuror Əli Ömərovun indi ona dəstək verməsi oğlunun Fövqəladə Hallar Nazirliyində işlə təmin olunması ilə əlaqələndirilir. 

Milli Şuranın prezidentliyə vahid namizədi Cəmil Həsənli ölkəyə daxil olan neft gəlirlərinin həcmi artdıqca ölkə iqtidarının daha da avtoritarlaşması kimi  prosesin baş verməsinə diqqət çəkib.