![Mətbuat-Monitorinq 04.02.14](https://turan.az/resized/750/500/resize/media/2014/main/020400067782.jpg)
Mətbuat-Monitorinq 04.02.14
Rəsmi qəzetlər dövlət başçısı İlham Əliyevin görkəmli bəstəkar Qara Qarayevin abidəsinin açılışında işitrakı, Gömrük Komitəsi əməkdaşlarına rütbələrin, fəxri adların verilməsi haqda sərəncamının mətnlərini ilk səhifələrə çıxarıblar.
“Azadlıq” qəzeti hakim Əliyevlər ailəsinin 245 milyon dollara təyyarə almasını “hakim ailənin hava nəqliyyatı kolleksiyasına birini də əlavə etməsi” adlandırır.
Ekspetlər dövlət başçısı İlham Əliyevin QHT-lər haqda qanuna dəyişiklikləri imzalamasına “dəyişikliklər bir müddət sonra problem yaradacaq” şərhini veriblər.
İqtidarın həbsdə olan keçmiş səhiyyə naziri Əli İnsanovu psixi xəstəxanaya salmaq planına Ə.İnsanov “anonim eksperti yanıma gətirsinlər psixi durumunun necə olduğunu yoxlayım” cavabını verib.
Milli Şura Qarabağ qazisi Zaur Həsənovun faciəvi ölümünə etiraz aksiyasında iştiraka görə məhkəmə vasitəsilə cərimələnən gənclərin cərimələrini ödəyə bilmələri üçün fevralın 4-də xeyriyyə marafonu keçirir.
Qəzetə şərh verən ekspertlər son vaxtlar ölkədə kütləviləşən intiharları “vətəndaşların iqtidara etirazının bir forması” adlandırıblar.
“Zerkalo” keçmiş deputat Gültəkin Hacıbəylinin keçmiş həyat yoldaşı Mahmud Mehdiyev tərəfindən məhkəmələrə məruz qaldıqdan sonra M.Mehdiyevin vaxtilə qovulduğu prokurorluq sisteminə yenidən qəbul edilməsini ironiya ilə “xidmətə görə xidmət” adlandırır.
“Ekspress” Təhsil Nazirliyi ali məktəblərin milli statuslu və adi universitetlərə bölünməsi meyarlarını açıqlayıb.
“Novoe Vremya” Azərbaycan-Avropa İttifaqı münasibətlərində demokratiya məsələlərinə toxunulmamasına ironiya ilə “demokratiya ilə bağlı yaxşısı susmaqdır” mövqeyini ifadə edir.
“Bizim yol” ölkənin bank sektorunda kütləvi ixtisarların başlayacağını yazaraq kredit qadağasının kommersiya təşkilatlarını çökdürdüyünü iddia edir.
Nazirlər Kabineti məktəb-tikinti işlərinin Bakı meriyasından alınaraq yenidən Təhsil Nazirliynə verilməsi haqda sərəncam imzalayıb.
Politoloq Arif Yunusa görə, Azərbaycandaki bəzi dini icmalar radikallığı Suriyada yox, əksinə Azərbaycanda qazanıblar.
“Yeni Müsavat” dini məkanda virtual müharibənin qızışmasını, təkfirçi (özlərindən başqa qeyrilərini müsəlman saymayan) qrupların ölkədə dini gərginlik yaratmasını ilk səhifəyə çıxarıb.
Qəzet Milli Məclisin iclasında bir sıra deputatlar Suriyada Bəşər Əsəd rejiminin əleyhinə qanunsuz silahlı dəstələrin tərəfində vuruşan Azərbaycan vətəndaşlarını vətəndaşlıqdan çıxarmaq, onlara qarşı cinayət işi başlamaq təklifini veriblər.
Parlamentin spikeri Oqtay Əsədovun “Quran”ın Azərbaycan dilində oxunması təklifinə ekspertlər “illər öncə Türkiyədə uğursuz təcrübədən keçən təklif ” şərhini veriblər.
-
- İqtisadiyyat
- 4 Fevral 2014 11:39
-
- Siyasət
- 4 Fevral 2014 12:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz