Rəsmi qəzetlər dövlət başçısı İlham Əliyevin ilk Avropa Oyunları üçün avtobus deposu, təlim mərkəzində görülən işlərlə, Zığ gölünün kompleks bərpası layihəsi ilə tanış olması haqda xəbərləri ilk səhifədə yerləşdiriblər.
“Azadlıq” qəzeti Avropa Parlamentinin Əliyev haqqında xüsusi arayış hazırlamasını ilk səhifəyə çıxararaq sənəddə Azərbaycanın avtoritarizmə yuvarlanması, Əliyevin hakimiyyəti öz əlində cəmləməsi əksini tapır.
Ombudsman aparatı məhkum Lamiyə Quliyevanın həbsdə uşaq dünyaya gətirməsində cinayət məsuliyyətinin yox, inzibati məsuliyyətin olması bəyanatını səsləndirib.
AXCP təşkilat şöbəsinin müdiri Rafiq Daşdəmirli narkotik maddə ilə şərlənərək həbsə alınan oğlu Sənan Daşdəmirlinin səhhətində ciddi problemlərin yaranması haqda hüquq müdafiəçilərinə müraciət edib.
Əsgər atası Aydın Tarverdiyev oğlu Çingizin Tovuzdakı N saylı hissədə komandiri tərəfindən başından güllələndiyini deyir, komandir isə əsgərin digər əsgərlərə atəş aşdığı üçün vurulduğunu bildirir.
Qəzet bloger Əbdül Əbilovun həbsdə olan QHT rəhbəri Anar Məmmədli ilə birgə yemək yediyi üçün “karser”ə salındığını yazır.
Parlament iclasında yol xidməti polislərini “dana” deyə təhqir edən deputat Eldar İbrahimova DİN-dən “bunu onun daxili mədəniyyətinin göstəricisi də saymaq olar” cavabı verilib.
Ukraynanın Azərbaycandakı səfiri Aleksandr Mişenko ona görüşlərdə Rusiya haqda danışmamaq qadağası qoyduğu üçün rəsmi Bakını “rusiyapərəstlik”də ittiham edib.
“Ekspress” Müdafiə Nazirliyinin bəzi telekanalları vətənpərvər olmamaqda ittihamını, hərbi qeydiyyat və çağırışılarla bağlı cərimələrin artırılmasını ilk səhifəyə çəkib.
“Exo” spiker Oqtay Əsədovun bəzi qüvvələrin Olimpiya oyunları öncəsi təxribat törədə bilməsi bəyanatına ekspertlərin oyunlar öncəsi ölkədə terror hədələrini qabaqlamaq üçün kompleks tədbirlər keçirilməsi şərhini ilk səhifəyə çıxarıb.
“Novoe Vremya” neftin ucuzlaşması ilə Bakının geosiyasi fəaliyyət üçün əvvəlki məkanları itirməsi mövqeyini diqqət mərkəzinə çəkir.
“Bizim yol” son 3 ildə evini, obyektini, satanların Vergilər Nazirliyinə çağırılaraq vergi ödəməyə məcbur edilmələrini ilk plana çıxarır.
“Yeni Müsavat” rəsmi Kremlin Dumada “erməni soyqırımı” sənədini əngəlləməsi əvəzində Azərbaycan və Türkiyənin AŞPA-da Rusiyanı dəstəkləməsi iddiasını önə çəkərək iddianı “İrəvana qarşı gizli Moskva-Bakı-Ankara anlaşması” adlandırır.
Amerika Yəhudi Komitəsinin Azərbaycan səfərini Əliyevin Qərblə münasibətlərini yoluna qoymaq cəhdi sayan ekspertlər buna mümkünsüz baxırlar.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz