Mətbuat-Monitorinq 04.07.14

Rəsmi qəzetlər dövlət başçısı İlham Əliyevin Şəki şəhərinin Aşağı Göynük-Baş Göynük-Baş Şabalıd yolunun tikintisilə bağlı 3,3 milyon manat vəsaitin ayrılması haqda sərəncamın mətnini dərc ediblər.

Bundan əlavə, bu qəzetlər yaşıllıqların qorunması ilə bağlı qanunun mətnini səfifələrində yerləşdiriblər.

“Azadlıq” qəzeti dövlət başçısı İlham Əliyevin ölkə səfirlərini təcili Bakıya çağıraraq toplantı keçirməsi xəbərini ilk səhifəyə verib.

Qəzet istintaq altında olan jurnalist Rauf Mirqədirovun atasının 40 məclisinə buraxılmamasına diqqət çəkir.

Ekspertlər gənclərin elm ardınca getməmələrinə “bu ölkədə elmin perspektiv vəd etməməsi, normal yaşayışa təminat verməyən sahə olması” şərhini veriblər.

Həbsdə olan QHT rəhbəri Anar Məmmədli iqtidarı Avropaya inteqrasiyanın  ancaq imitasiyası ilə məşğul olmaqda suşlayıb.

Qəzetə şərh verən ekspertlər hökumətin həbsdə olan siyasi gənclərə etiraf ərizələri yazdırmasını “hökumətin öz vətəndaşına cılız davranışı” sayıblar.

Rəsmi Bakının iqtisadi rəqəmlər gətirərək Avropa ilə inteqrasiyadan boyun qaçırmasına ekspertlər ölkənin xarici ticarət dövriyyəsinin cəmi 9,3%-nin MDB-nin payına düşdüyünü nəzərə çatdırırlar.

Qəzet Bakıdakı özəl məktəblərdə qiymətlərə toxunaraq “The İnternational School of Azerbaiycan”da hazırlıq kursu 11 min, I-IX siniflər 34 min, IX-XI siniflərin hər ili 40 min dollar, Xəzər Universitetinə bağlı “Dünya” məktəbinin illiyi 5 min, (ingilis dili məktəbi 6 min manat, əlavə servis 60 manat), “Kaspi” liseyində illik təhsil haqqı 4500, “Erudit” liseyində isə 4500 manatdır. `    

“Ekspress”  RF prezidenti Putinin ləzgi, erməni, gürcü diasporları Kremlə yığmasına diqqət çəkərək Azərbaycanı “AzerRos”un təmsil etdiyini önə verir.

Qəzet Azərbaycan kəşfiyyat peykinin orbitə çıxmasını “yer üzündə nələrin baş verdiyini real vaxt rejimində izləyə bilmək” fürsəti kimi dəyərləndirir.

Bakının müxtəlif rayonlarındakı 76 orta məktəbdə aparılan monitorinqlər 6 minə qədər boş şagird yeri olduğunu aşkara çıxarıb.

“Exo” qəzeti son 8 ildə əhalinin istehlak gəlirlərinin 3,33 dəfə artamasını önə verərək əhalinin daha çox istirahətə pul ayırmağa başladığını iddia edir.

“Novoe Vremya”  ədliyyə naziri Fikrət Məmmədovun məhkəmə sistemindəki uğurlar barədə danışmasına “bizdə ədalət mühakiməsi varmı?” sualı ilə mənfi mövqe ifadə edir.

Hər il 500 minə yaxın ölkə vətəndaşının xarici turist mərkəzlərində istirahət etməsinə toxunan qəzet bunu ölkədə turizmin inhisarçı-oliqarx sistemə qurban verilməsilə əsaslandırır.  

“Bizim yol”  Fransa prezidentinin təklif etdiyi Azərbaycan və Ermənistan dövlət başçıları İlham Əliyevm Serj Sarkisyan görüşünü İ.Əliyevin qəbul etmədiyini önə çəkib.

Son 20 ildə əhalinin sayının 2 milyon nəfər artdığını yazan qəzet bununla belə şagirdlərin sayının 100 min nəfər azaldığını bildirir.   

“Yeni Müsavat” İŞİD terror təşkilatının İraqın paytaxtı Bağdadı ələ keçirdiyi halda buradakı otel, kazino, tikinti sektoruna böyük pullar qoyan Azərbaycandan olan kürd iş adamlarının pullarının batacağını ilk yerə çəkib.

Keşlə yük stansiyasında çalışan fəhlələr burada məmur özbaşnalığına etiraz olaraq aksiyaya hazırlaşdıqlarını bidliriblər.

Qəzet Tovuz rayonunda yerli məmurları xalqı su ilə imtahana çəkməkdə, rüşvət tamahlarının həddinin olmamasında ittiham edib.

Həbsdə olan vitse-admiral Şahin Sultanovun ifadəsi nəticəsində məhbus həyatı yaşamış hüquq müdafiəçisi Bəxtiyar Məmmədov keçmiş komandanı “mafiya babası” olmaqda ittiham edib.